అప్రమత్తంగా ఉండటం బెటర్‌!

దేశీయ స్టాక్‌ మార్కెట్లలో అనిశ్చితి కొనసాగుతోంది. ఒకవైపు అంతర్జాతీయంగా ప్రతికూల పరిస్థితులు నెలకొన్నాయి. మరోవైపు దేశీయ మార్కెట్లలో వదంతులు మదుపరులను ఆందోళనకు గురి చేస్తున్నాయి. దీంతో ఎన్నికలు ముగిసే వరకు అప్రమత్తంగా ఉండటం మంచిది. ఆ తర్వాత సూచీల మూమెంటమ్‌ను అంచనా వేయొచ్చు. గత శుక్రవారం గరిష్ఠ స్థాయిల్లో సూచీలు బలమైన నిరోధాన్ని ఎదుర్కొన్నాయి. ఈ వారం నిఫ్టీకి 22,450 వద్ద మద్దతు, 22,650 వద్ద నిరోధ స్థాయిలున్నాయి.

స్టాక్‌ రికమండేషన్స్‌

పిరామల్‌ ఫార్మా: నష్టాల మార్కెట్లోనూ ఈ షేరు అదరగొడుతోంది. ట్రేడింగ్‌, డెలివరీ వాల్యూమ్స్‌ క్రమంగా పెరుగుతున్నాయి. పైగా 52 వారాల గరిష్ఠ స్థాయి రూ.149ని బ్రేక్‌ చేసింది. గత శుక్రవారం ఈ షేరు 5.6ు లాభంతో రూ.151 వద్ద క్లోజైంది. ఇన్వెస్టర్లు ఈ కౌంటర్‌లో రూ.150 స్థాయిలో పొజిషన్‌ తీసుకుని రూ.177/185 టార్గెట్‌ ధరతో కొనుగోలు చేసే విషయాన్ని పరిశీలించవచ్చు. అయితే రూ.143 స్థాయిని కచ్చితమైన స్టాప్‌లా్‌సగా పెట్టుకోవాలి.

కోల్‌ ఇండియా: సుదీర్ఘ అప్‌ట్రెండ్‌ తర్వాత ఈ కౌంటర్‌లో స్వల్ప దిద్దుబాటు జరిగింది. మరోసారి ఈ షేరు జీవితకాల గరిష్ఠాన్ని చేరే అవకాశం ఉంది. గత ఈ వారం నెల గరిష్ఠ స్థాయిలను అధిగమించింది. వాల్యూమ్‌ అనూహ్యంగా పెరుగుతోంది. గత శుక్రవారం ఈ షేరు 4.56 శాతం లాభంతో రూ.474 వద్ద క్లోజైంది. మదుపరులు ఈ కౌంటర్‌లో రూ.460/470 శ్రేణిలో పొజిషన్‌ తీసుకుని రూ.545/625 టార్గెట్‌ ధరతో కొనుగోలు చేసే విషయాన్ని పరిశీలించవచ్చు. అయితే రూ.445 స్థాయిని స్టాప్‌లా్‌సగా పెట్టుకోవాలి.

ప్రెస్టీజ్‌ ఎస్టేట్స్‌: ఈ కౌంటర్‌లో మూమెంటమ్‌ బాగుంది. రూ.1,440 వద్ద ఆల్‌టైమ్‌ హైను బ్రేక్‌ చేసింది. స్వల్ప దిద్దుబాటు అనంతరం ట్రేడింగ్‌, డెలివరీ వాల్యూమ్‌ పుంజుకుంది. నష్టాల సెషన్‌లో కూడా ఈ షేరు 4.27 శాతం లాభంతో రూ.1,460 వద్ద ముగిసింది. ట్రేడర్లు ఈ కౌంటర్‌లో రూ.1,450 స్థాయిల్లో పొజిషన్‌ తీసుకుని రూ.1,570/1,650 టార్గెట్‌ ధరతో కొనుగోలు చేసే విషయాన్ని పరిశీలించవచ్చు. అయితే రూ.1,430 స్థాయిని స్టాప్‌లా్‌సగా పెట్టుకోవాలి.

జిందాల్‌ సా: ఈ మెటల్‌ కంపెనీ షేర్లపై ఇన్వెస్టర్లకు ఆసక్తి పెరిగిపోతోంది. సుదీర్ఘ అప్‌ట్రెండ్‌ తర్వాత ఇందులో కన్సాలిడేషన్‌ జరిగింది. వాల్యూమ్‌ పెరుగుతుండటంతో మార్చి రెండో వారం నుంచి ఈ షేరు ఏకంగా 50 శాతం పెరిగింది. గత శుక్రవారం ఈ షేరు 3.49 శాతం లాభంతో సరికొత్త జీవితకాల గరిష్ఠ స్థాయి రూ.575 వద్ద స్థిరపడింది. మూమెంటమ్‌ ఇన్వెస్టర్లు ఈ కౌంటర్‌లోకి రూ.570/550 శ్రేణిలో ప్రవేశించి రూ.665/720 టార్గెట్‌ ధరతో కొనుగోలు చేసే విషయాన్ని పరిశీలించవచ్చు. అయితే రూ.540 స్థాయిని స్టాప్‌లా్‌సగా పెట్టుకోవాలి.

టొరెంట్‌ ఫార్మా: గత వారం ఈ కౌంటర్‌లో వాల్యూమ్‌ భారీగా పెరిగింది. పైగా స్వల్పకాలిక నిరోధాన్ని బ్రేక్‌ చేసింది. సూపర్‌ట్రెండ్‌ ఇండికేటర్‌ సైతం ‘బై’ సిగ్నల్‌ ఇచ్చింది. గత శుక్రవారం ఈ షేరు 2.42 శాతం లాభంతో రూ.2,734 వద్ద క్లోజైంది. ఇన్వెస్టర్లు ఈ కౌంటర్‌లో రూ.2,730/2,710 స్థాయిల్లో పొజిషన్‌ తీసుకుని రూ.2,840/2,960 టార్గెట్‌ ధరతో కొనుగోలు చేసే విషయాన్ని పరిశీలించవచ్చు. అయితే రూ.2,700 స్థాయిని స్టాప్‌లా్‌సగా పెట్టుకోవాలి.

నోట్‌ : పెట్టుబడి నిర్ణయాలు తీసుకునే ముందు మదుపరులు తమ ఫైనాన్షియల్‌ అడ్వైజర్ల సలహాలు తీసుకోవాలి.

మూర్తి నాయుడు పాదం,

మార్కెట్‌ నిపుణులు, నిఫ్టీ మాస్టర్‌