2025లోనూ నియామకాల జోరు
ABN , Publish Date - Dec 20 , 2024 | 02:29 AM
వచ్చే ఏడాది (2025) మన దేశంలో నియామకాల జోరు కొనసాగనుంది. 2024తో పోలిస్తే నియామకాల వృద్ధి రేటు 9 శాతం వరకు ఉంటుందని కంపెనీలకు నియామకాల సేవలు అందించే ‘ఫౌండిట్‌’ అనే సంస్థ...
ముంబై: వచ్చే ఏడాది (2025) మన దేశంలో నియామకాల జోరు కొనసాగనుంది. 2024తో పోలిస్తే నియామకాల వృద్ధి రేటు 9 శాతం వరకు ఉంటుందని కంపెనీలకు నియామకాల సేవలు అందించే ‘ఫౌండిట్‌’ అనే సంస్థ తెలిపింది. ఈ సంవత్సరం నమోదైన 10 శాతం వృద్ధి రేటుతో పోలిస్తే ఇది ఒక శాతం తక్కువ. ఐటీ, రిటైల్‌, టెలికా, బ్యాంకింగ్‌, ఆర్థిక సేవలు, బీమా (బీఎఫ్‌ఎస్‌ఐ) కంపెనీలు కొత్త ఏడాదిలో కూడా నియామకాల్లో ముందుంటాయని అంచనా వేసింది. నవంబరులో భారత్‌లో నియామకాలు గత ఏడాది ఇదే కాలంతో పోలిస్తే మూడు శాతం పెరిగినట్టు ఫౌండిట్‌ తెలిపింది. సరికొత్త టెక్నాలజీలు, మారుతున్న వ్యాపార ప్రాధాన్యతలతో వచ్చే ఏడాది మన దేశంలో నియామకాల స్వరూపం మరింత మారనుందని పేర్కొంది.
