Gold and Silver Rates Today: పండుగ వేళ భారీగా పెరిగిన బంగారం ధరలు.. ఎంతకు చేరాయంటే..

ABN , Publish Date - Nov 01 , 2024 | 06:27 AM

దీపావళి సమయంలో బంగారం కొనుగోలు చేయాలని చూసిన వారికి షాకింగ్ న్యూస్ వచ్చింది. ఎందుకంటే ఈ రేట్లు మరింత పుంజుకుని ఆల్‌టైమ్ గరిష్టానికి చేరుకున్నాయి. అయితే ఏ మేరకు పెరిగాయి, దేశంలోని ప్రధాన నగరాల్లో రేట్లు ఎలా ఉన్నాయనే విషయాలను ఇక్కడ తెలుసుకుందాం.

gold and silver rates today

దేశవ్యాప్తంగా బంగారం(gold) ధరలు క్రమంగా పెరుగుతూనే ఉన్నాయి. దీపావళి పండుగ నేపథ్యంలో ఈ రేట్లు మరింత పుంజుకుని ఆల్‌టైమ్ గరిష్టానికి చేరుకున్నాయి. అంతర్జాతీయ మార్కెట్లలో బంగారం ధరల పెరుగుదల నేపథ్యంలో దేశంలోని బులియన్ మార్కెట్‌లో కూడా ఈ ధరలు పైపైకి చేరుతున్నాయి. ఈ క్రమంలో నేడు (నవంబర్ 1న) ఉదయం 6.20 గంటల నాటికి 10 గ్రాముల 24 క్యారెట్ల బంగారం ధర రూ. 1,719 పెరిగి రూ. 81,340 స్థాయికి చేరుకుంది. ఇటివల 80 వేల స్థాయికి చేరుకోగా, ఇప్పుడు ఈ రేట్లు 90 వేల దిశగా దూసుకెళ్తున్నాయి. అయితే ఈ పుత్తడి ధరలు త్వరలో మరింత పెరిగే అవకాశం ఉందని నిపుణులు చెబుతున్నారు.

రాజధానిలో

ఈ నేపథ్యంలో హైదరాబాద్‌, విజయవాడలో 24 క్యారెట్ల 10 గ్రాముల బంగారం ధర రూ. 81,340కి చేరుకోగా, 22 క్యారెట్ల 10 గ్రాముల పసిడి ధర రూ. 74,560కి చేరింది. ఇక దేశరాజధాని ఢిల్లీలో 24 క్యారెట్ల పసిడి రేటు 10 గ్రాములకు రూ. 81,490 స్థాయికి చేరగా, 22 క్యారెట్ల గోల్డ్ ధర 10 గ్రాములకు రూ.74,710కి చేరుకుంది. ఇదే సమయంలో వెండి ధరలు తగ్గుముఖం పట్టడం విశేషం. ఇవి కిలోకు వెయ్యి రూపాయలు తగ్గాయి. దీంతో దేశంలోని ప్రధాన నగరాల్లో ఉన్న బంగారం, వెండి రేట్లను ఇక్కడ తెలుసుకుందాం.

దేశంలోని ప్రధాన నగరాల్లో బంగారం రేట్లు (10 గ్రాములకు) (24 క్యారెట్, 22 క్యారెట్)