New Tax Regime: కొత్త పన్ను విధానాన్ని ఎలా ఎంచుకోవాలి.. అందుకోసం ఏం చేయాలంటే..

ఇటివల కేంద్ర బడ్జెట్ 2024(budget 2024) సమర్పించబడింది. ఈ సంవత్సరం బడ్జెట్‌లో చేసిన అతిపెద్ద ప్రకటనలలో పన్ను రేటు(tax rates) మార్పు కూడా ఒకటి. ఆదాయపు పన్ను రేటును తగ్గించి, స్టాండర్డ్ డిడక్షన్‌ను రూ.50,000 నుంచి రూ.75,000కు పెంచారు. ఈ క్రమంలో మీరు కూడా కొత్త పన్ను విధానంలోకి(New tax regime) మారాలనుకుంటున్నారా? అయితే అందుకోసం ఏం చేయాలనే విషయాలను ఇప్పుడు తెలుసుకుందాం. కొత్త పన్ను విధానం 2023-24 ఆర్థిక సంవత్సరం నుంచి డిఫాల్ట్ విధానంగా అమలు చేయబడింది.

అందుకే 2023-24 ఆర్థిక సంవత్సరానికి ముందు ఆర్థిక సంవత్సరానికి మాత్రమే కొత్త పన్ను విధానాన్ని ఎంచుకోవచ్చు. మీరు 2023-24 ఆర్థిక సంవత్సరానికి ముందు కొత్త పన్ను విధానం నుంచి పాత పన్ను విధానం లేదా పాత పన్ను విధానం నుంచి కొత్తదానికి మారాలనుకుంటే, ఫారమ్ 10IEని సమర్పించాలి. మీరు 2023-24 ఆర్థిక సంవత్సరానికి లేదా తదుపరి ఆర్థిక సంవత్సరానికి పన్ను విధానాన్ని ఎంచుకుంటే, మీరు పాత పన్ను విధానాన్ని మాత్రమే ఎంచుకోవచ్చని గుర్తుంచుకోండి.

ఫారం 10IEను పూరించడం ఎలా?

ఫారమ్ 10IE ఫైల్ చేయడానికి చివరి తేదీ, ITR ఫైల్ చేయడానికి చివరి తేదీ ఒకటే. ప్రస్తుతం పన్ను చెల్లింపుదారులకు ఫారమ్ 10IE పూరించడానికి జూలై 31, 2024 వరకు సమయం ఉంది. అందుకోసం మీరు ఇంట్లోనే కూర్చుని ఫారమ్ 10IEని ఇలా పూరించుకోవచ్చు.

• స్టెప్ 1: మొదటగా ఇ-ఫైలింగ్ పోర్టల్‌ని సందర్శించి, లాగిన్ అవ్వండి

• స్టెప్ 2: లాగిన్ అయిన తర్వాత ఈ-ఫైల్ ఎంపికపై క్లిక్ చేసి, మీ ముందు ఉన్న ఎంపికలలో ఆదాయపు పన్ను ఫారమ్‌ను ఎంచుకుని దానిపై క్లిక్ చేయండి

• స్టెప్ 3: ఆ తర్వాత క్రిందికి స్క్రోల్ చేయండి, అక్కడ మీకు ఫారమ్ 10IE కనిపిస్తుంది. దాని పక్కనే ఉన్న File Now ఆప్షన్‌పై క్లిక్ చేయండి

• స్టెప్ 4: తర్వాత ఫారం 10IE మీకు తెరవబడుతుంది. అప్పుడు లెట్స్ గెట్ స్టార్ట్ పై క్లిక్ చేయండి

• స్టెప్ 5: దీని తర్వాత మీకు అసెస్సింగ్ ఆఫీసర్ సమాచారం చూపబడుతుంది. అక్కడ కొనసాగించుపై క్లిక్ చేయండి

• స్టెప్ 6: ఇప్పుడు మీ ప్రాథమిక సమాచారం మీ ముందు కనిపిస్తుంది. వ్యాపారం లేదా వృత్తి నుంచి సంపాదించే ఎంపిక ముందు అవునుపై క్లిక్ చేయండి

• స్టెప్ 7: దీని తర్వాత మీకు IFSC యూనిట్ ఉంటే దాని గురించి సమాచారాన్ని నమోదు చేయండి

• స్టెప్ 8: డిక్లరేషన్ ప్రకటించిన తర్వాత, ధృవీకరణ కోసం మీ ఆధార్ నంబర్, డిజిటల్ సిగ్నేచర్ సర్టిఫికేట్ లేదా ఎలక్ట్రానిక్ ధృవీకరణ కోడ్‌లో దేనినైనా ఎంచుకోవచ్చు

• స్టెప్ 8: చివరగా మొబైల్‌లో అందుకున్న OTPని నమోదు చేయండి. ధృవీకరణ పూర్తయిన తర్వాత, మీరు మీ ఫారమ్ 10IE సమర్పణ గురించి సమాచారాన్ని పొందుతారు

కొత్త పన్ను విధానంలో ఇప్పుడు రూ. 3 లక్షల నుంచి రూ. 7 లక్షల ఆదాయంపై 5 శాతం చొప్పున పన్ను చెల్లించాల్సి ఉంటుంది. గతంలో ఈ శ్లాబు(slabs) రూ.6 లక్షల వరకు ఉండేది. కొత్త పన్ను విధానంలోని ఇతర స్లాబ్‌లలో కూడా కొన్ని మార్పులు చేయబడ్డాయి. దీంతో పాటు స్టాండర్డ్ డిడక్షన్ కూడా రూ.50 వేల నుంచి రూ.75 వేలకు పెంచారు. ఈ రెండు మార్పుల నుంచి పన్ను చెల్లింపుదారులు గరిష్టంగా రూ. 17,500 వరకు ప్రయోజనం పొందుతారు. అయితే పాత పన్ను విధానంలో మాత్రం ఎలాంటి మార్పు చేయలేదు.

ఇవి కూడా చదవండి:

Stock Markets: భారీ లాభాల్లో స్టాక్ మార్కెట్లు.. టాప్ 5 లాభాల స్టాక్స్!

Gold and Silver Rates Today: మళ్లీ తగ్గిన బంగారం, వెండి ధరలు.. కొనుగోళ్ల కోసం క్యూ కడుతున్న జనాలు

Bank Holidays: ఆగస్టులో దాదాపు సగం రోజులు బ్యాంకులు బంద్.. కారణాలివే

Read More Business News and Latest Telugu News