వన్‌మనీలో కేశవ్‌ రెడ్డి పెట్టుబడి

హైదరాబాద్‌ (ఆంధ్రజ్యోతి బిజినెస్‌): హైదరాబాద్‌ కేంద్రంగా పని చేసే అకౌంట్స్‌ అగ్రిగేటర్‌ స్టార్టప్‌ కంపెనీ ‘వన్‌మనీ’లో మరో స్టార్టప్‌ కంపెనీ ఈక్వల్‌ వ్యూహాత్మక పెట్టుబడి పెట్టింది. అయితే పెట్టుబడి మొత్తం ఎంత? అనే విషయాన్ని రెండు కంపెనీలు వెల్లడించలేదు. ఈక్వల్‌ స్టార్టప్‌ కంపెనీని జీవీకే గ్రూప్‌ వైస్‌ చైర్మన్‌ సంజయ్‌ రెడ్డి కుమారుడు కేశవ్‌ రెడ్డి ప్రమోట్‌ చేశారు. ఈ కంపెనీ ప్రస్తుతం అనేక కంపెనీలకు ఐడెంటిటీ వెరిఫికేషన్‌ సేవలు అందిస్తోంది. వన్‌మనీ, ఈక్వల్‌ ప్రస్తుతం 250కుపైగా బీఎఫ్‌ఎస్‌ఐ కంపెనీలకు కేవైసీ సేవలు అందిస్తున్నాయి. తాజా భాగస్వామ్యంతో రెండు సంస్థలు 97 శాతం సక్సెస్‌ రేటుతో నెలకు 5.5 కోట్ల లావాదేవీలూ పూర్తి చేస్తాయని భావిస్తున్నారు.