రిలయన్స్‌, డిస్నీ మీడియా ఆస్తుల విలీనం పూర్తి

• రూ.70,352 కోట్ల విలువైన జేవీ ఏర్పాటు

• విలీన సంస్థ చైర్మన్‌గా నీతా అంబానీ

న్యూఢిల్లీ: అంతర్జాతీయ మీడియా దిగ్గజం వాల్ట్‌ డిస్నీకి చెందిన భారత ఆస్తులతో రిలయన్స్‌ ఇండస్ట్రీస్‌ మీడియా వ్యాపారం విలీన ప్రక్రియ పూర్తయింది. తద్వారా రూ.70,352 కోట్ల విలువైన జాయింట్‌ వెంచర్‌ (జేవీ)గా అవతరించింది. ఆర్‌ఐఎల్‌ అధిపతి ముకేశ్‌ అంబానీ సతీమణి నీతా అంబానీ ఈ జేవీకి చైర్మన్‌గా నియమితులయ్యారు. డిస్నీకి చెందిన ఉదయ్‌ శంకర్‌ వైస్‌ చైర్మన్‌ హోదాలో జేవీకి వ్యూహాత్మక మార్గనిర్దేశం చేస్తారు. విలీన ఒప్పందంలో భాగంగా ఈ జేవీ వ్యాపారాభివృద్ధి కోసం రిలయన్స్‌ ఇండస్ట్రీస్‌ రూ.11,500 కోట్లు సమకూర్చింది. ఈ విలీన సంస్థ ఆర్‌ఐఎల్‌ నియంత్రలో ఉండనుంది. సంస్థలో రిలయన్స్‌ ఇండస్ట్రీస్‌ 16.34 శాతం, తన మీడియా అనుబంధ విభాగమైన వయాకామ్‌ 46.82 శాతం, డిస్నీ 36.84 శాతం వాటా కలిగి ఉంటాయి.