పోకర్ణ ఇంజనీర్డ్‌ స్టోన్‌ రూ.440 కోట్ల పెట్టుబడులు

హైదరాబాద్‌ (ఆంధ్రజ్యోతి బిజినెస్‌): పోకర్ణ లిమిటెడ్‌ అనుబంధ సంస్థ పోకర్ణ ఇంజనీర్డ్‌ స్టోన్‌ లిమిటెడ్‌ (పీఈఎ్‌సఎల్‌)..రూ.440 కోట్ల పెట్టుబడులు పెడుతున్నట్లు ప్రకటించింది. తెలంగాణలోని మేకగూడలోని క్వార్ట్జ్‌ ప్లాంట్‌ ఉత్పత్తి సామర్థ్యాన్ని పెంచేందుకు ఈ మొత్తాలను వినియోగించనున్నట్లు తెలిపింది. విస్తరణలో భాగంగా మూడో బ్రెటోన్‌స్టోన్‌ ఉత్పత్తి లైన్‌ను ఏర్పాటు చేయనున్నట్లు పేర్కొంది. 2026 మార్చి నాటికల్లా ఈ కొత్త లైన్‌ వాణిజ్యపరంగా అందుబాటులోకి వస్తుందని తెలిపింది. అంతర్జాతీయంగా ప్రీమియం క్వార్ట్జ్‌ సర్ఫే్‌సకు పెరుగుతున్న డిమాండ్‌ను అందుకునేందుకు ఈ విస్తరణ దోహదపడుతుందని పీఈఎ్‌సఎల్‌ సీఎండీ గౌతమ్‌ చంద్‌ జైన్‌ తెలిపారు. కాగా ఈ మొత్తాలను పూర్తిగా అంతర్గత వనరులు, రుణాల రూపంలో సమీకరించనున్నట్లు పోకర్ణ వెల్లడించింది.

క్యూ2 లాభం రూ.45 కోట్లు:సెప్టెంబరుతో ముగిసిన ద్వితీయ త్రైమాసికంలో పోకర్ణ లిమిటెడ్‌ రూ.253.46 కోట్ల కన్సాలిడేటెడ్‌ రెవెన్యూపై రూ.44.95 కోట్ల నికర లాభాన్ని ప్రకటించింది. గత ఏడాది ఇదే కాలంలో కంపెనీ నికర లాభం రూ.33.04 కోట్లుగా ఉండగా రెవెన్యూ రూ.203.86 కోట్లుగా ఉంది.