యూఎస్‌ నుంచి రెడ్డీస్‌ ఔషధం రీకాల్‌
ABN , Publish Date - Nov 04 , 2024 | 05:49 AM
రక్తంలో అధిక కాల్షియం స్థాయిల అదు పు, హైపర్‌ పారాథైరాయిడిజమ్‌ చికిత్సలో ఉపయోగించే సినాకాల్సెట్‌ టాబ్లెట్లను అమెరికన్‌ మార్కెట్‌ నుంచి రీకాల్‌ చేస్తున్నట్టు డాక్టర్‌ రెడ్డీస్‌...
న్యూఢిల్లీ: రక్తంలో అధిక కాల్షియం స్థాయిల అదు పు, హైపర్‌ పారాథైరాయిడిజమ్‌ చికిత్సలో ఉపయోగించే సినాకాల్సెట్‌ టాబ్లెట్లను అమెరికన్‌ మార్కెట్‌ నుంచి రీకాల్‌ చేస్తున్నట్టు డాక్టర్‌ రెడ్డీస్‌ ప్రకటించింది. తయారీలో లోపాలున్నాయంటూ అమెరికన్‌ ఎఫ్‌డీఏ నివేదికను ఆధారం చేసుకుని ఈ టాబ్లెట్లున్న 3,31,590 బాటిల్స్‌ను ఉపసంహరిస్తున్నట్టు పేర్కొంది. రెడ్డీస్‌ లేబరేటరీస్‌ న్యూ జెర్సీ అనుబంధ విభాగం రీకాల్‌ చేస్తున్న వాటిలో 30 ఎంజి పరిమాణం గల 2,85,126 బాటిల్స్‌ ఉన్నాయి. మిగతా బాటిల్స్‌ 60 ఎంజి, 90 ఎంజి డోసేజిలలోనివని కంపెనీ పేర్కొంది.
