‘స్వర్ణకాంతులు – దివ్యదీపాలు!’

‘స్వర్ణభారత’ మంటప ద్వారాలకు చక్కగా –

జాతీయతా దీపాల తోరణాలు కట్టండి!

హరితకాంతులొలుకు సౌభాగ్య దీపాలను –

ఇంటింటా – పసిడిగుమ్మాలపై తీర్చండి!

ఆసేతుహిమాచలం దివ్యంగా ప్రజల –

గుండెల్లో వెలిగే దీపాలు – సమతామమతగీతాలు!

దేశమాత ముంగిట ధీరంగా వెలిగే దీపాలు –

భారత వీరజవానుని శౌర్యవిజయ ధ్వజాలు

పంట పొలాల్లో తలలూపే – సస్యశ్యామల దీపాలు –

అన్నదాతల – కష్టజీవుల – స్వర్ణశుభోదయరేఖలు

పల్లెపల్లెల్లో తళతళలాడే – సంస్కృతీదీపాలు –

ఆత్మీయడా – సౌహార్ద్రతా క్షీరతరంగాలు

యువజనుల హృదయాల్లో వెలిగేదీపాలు –

భావిభారత భాగ్యోదయ విజయాశీస్సులు

పసిడి బాలల లేతమనస్సుల్లో వెలిగే దీపాలు –

పూలతోటలో తిరుగాడే – బాలబాపూజీలు

స్వాతంత్ర్యవజ్రభారతి – ముంగిట వెలిగే దీపాలు –

సువర్ణ సుప్రభాత – జనగణమన విజయకిరణాలు

దేవాలయ ప్రాంగణాల్లో వెలిగే – సువర్ణ దీపాలు –

‘‘సర్వేజనాః సుఖినోభవంతి’’ – అనే దివ్యాశీస్సుమాలు

కళ్యాణశ్రీ