రాకెట్లమంటల సాక్షిగా
ABN , Publish Date - Oct 31 , 2024 | 02:48 AM
నీ అపజయాల/ జ్ఞాపకతీరాల నిశీథిని అలుపెరగని నీ ప్రయత్నాల క్రాకర్స్ వెలుగులో మాయం చెయ్..!..
నీ అపజయాల/ జ్ఞాపకతీరాల నిశీథిని
అలుపెరగని నీ ప్రయత్నాల
క్రాకర్స్ వెలుగులో మాయం చెయ్..!
అంతరిక్ష హద్దులను చెరిపేస్తూ
దీపావళి రాకెట్లమంటల సాక్షిగా
నీ కలలకు జ్ఞాన శిఖరంపై ప్రాణం పోయ్..!
నిరాశ, నిస్పృహల శూన్యాన్ని
లక్ష్మి బాంబుల ధ్వని వర్షంతో తడిపేసేయ్..!
చిచ్చుబుడ్ల కిరణాలతో అంతులేని
మానవత్వపు ఆనందాన్ని అందరికీ పంచెయ్..!
ఈ పండుగ దినం నుండైనా..
పర్యావరణ పరిరక్షణపై అడుగువేయ్..!
చెట్లే సంరక్షణే మానవజాతి చరిత్రకు
సాక్ష్యమనే పాఠాన్ని అమలుచేయ్..!!
ఫిజిక్స్ అరుణ్ కుమార్
