హమాస్‌, హిజ్బుల్లాపై ఇజ్రాయెల్‌ ముప్పేట దాడులు
ABN , Publish Date - Sep 22 , 2024 | 02:33 AM
హమాస్‌, హిజ్బుల్లా ఉగ్రవాదులే లక్ష్యంగా ఇజ్రాయెల్‌ శనివారం ముప్పేట దాడులు చేసింది.
టెల్‌అవీవ్‌, సెప్టెంబరు 21: హమాస్‌, హిజ్బుల్లా ఉగ్రవాదులే లక్ష్యంగా ఇజ్రాయెల్‌ శనివారం ముప్పేట దాడులు చేసింది. గాజాతోపాటు.. దక్షిణ లెబనాన్‌పై ఇజ్రాయెల్‌ డిఫెన్స్‌ ఫోర్సె్‌స(ఐడీఎఫ్‌) వైమానిక దళం క్షిపణుల వర్షం కురిపించింది. శుక్రవారం బీరుట్‌లోని హిజ్బుల్లా ఉగ్రవాదులను టార్గెట్‌గా చేసుకున్న దాడుల్లో.. ఓ భవనం కుప్పకూలిన విషయం తెలిసిందే..! ఈ ఘటనలో మరణాలు 37కు చేరుకున్నాయని.. 68 మంది గాయపడ్డారని లెబనాన్‌ రవాణా మంత్రి అలీ హమీద్‌ తెలిపారు. అమెరికా రూ.58 కోట్ల(7 మిలియన్‌ డాలర్లు) రివార్డు ప్రకటించిన రద్వాన్‌ బ్రిగేడ్‌ కమాండర్‌ ఇబ్రహీం అఖిల్‌ కూడా మృతుల్లో ఉన్నారు. అటు దక్షిణ గాజాలో ఓ శరణార్థి శిబిరంపై ఇజ్రాయెల్‌ జరిపిన బాంబింగ్‌లో 22 మంది మృతిచెందారు.
