Viral News: కిమ్ మామ వింత చేష్టలు.. నిద్రలేని రాత్రులతో ప్రజలు

ఉత్తర కొరియా(North Korea), దక్షిణ కొరియాల(SouthKorea) మధ్య చాలా ఏళ్లుగా వివాదం కొనసాగుతోంది. ఈ క్రమంలోనే దక్షిణ కొరియాను లక్ష్యంగా చేసుకుని ఉత్తర కొరియా చిత్ర విచిత్రమైన దాడులు చేస్తుంది. ఎలాంటి సైన్యం, క్షిపణి దాడులు లేకుండా ఉత్తర కొరియా చేస్తున్న పనులతో దక్షిణ కొరియా సరిహద్దు గ్రామం తీవ్రంగా నష్టపోతుంది. ఈ నేపథ్యంలో ఉత్తర కొరియా దక్షిణ కొరియా సరిహద్దులో అనేక వింత శబ్దాలను ప్రసారం చేస్తోంది. దీంతో దక్షిణ కొరియా సరిహద్దు గ్రామస్తుల దైనందిన జీవితానికి అంతరాయం కలుగుతోంది. అక్కడి ప్రజలు రాత్రి సమయంలో నిద్ర కూడా పోవడం లేదని చెబుతున్నారు.

వింత అరుపులు

ఈ అంశంపై అనేక ఫిర్యాదులు కూడా వచ్చాయి. సరిహద్దు గ్రామమైన డాంగ్‌సాన్‌ను లక్ష్యంగా చేసుకుని ఉత్తర కొరియా ఈ పని చేస్తోంది. లౌడ్ స్పీకర్లలో కారు ప్రమాదాలు, దెయ్యం వంటి వింత అరుపులు, శబ్దాలను ప్రసారం చేస్తోంది. నిరంతరంగా వస్తున్న శబ్ధాలు తమకు పిచ్చెక్కెలా చేస్తున్నాయని దక్షిణ కొరియా వాసులు చెబుతున్నారు. గత జులై నుంచి ఈ పని చేస్తున్నారు. వారు ఈ రకమైన శబ్దాన్ని 24 గంటలూ ప్రసారం చేస్తూనే ఉన్నారు. ఈ కారణంగా నిద్రలేమి, తలనొప్పి, ఒత్తిడి వంటి అనేక సమస్యలు వస్తున్నాయని స్థానికులు అంటున్నారు. నెలల తరబడి నిరాటంకంగా ఇలా చేస్తున్నారని తెలిపారు.

రెండు దేశాల మధ్య

కొరియా ద్వీపకల్పంలో దక్షిణ కొరియా, ఉత్తర కొరియా మధ్య వివాదం నడుస్తోంది. ఈ సంఘర్షణ చాలా కాలంగా జరుగుతోంది. దీంతో ఇరు కొరియా దేశాల సరిహద్దులు ఉద్రిక్తంగా మారాయి. ఎప్పటికప్పుడు సరిహద్దుల నుంచి దాడులు కూడా జరుగుతుంటాయి. కాగా దక్షిణ కొరియాపై ఉత్తర కొరియా విచిత్రమైన దాడికి దిగింది. ఈ రెండు దేశాల మధ్య శాంతి చర్చలకు US గతంలో సహాయం చేసింది. కానీ తాను చర్చల్లో పాల్గొనలేనని ఉత్తర కొరియా అధినేత కిమ్ జోంగ్ ఉన్ కొన్ని నెలల క్రితం ప్రకటించారు. దీంతో సరిహద్దుల్లో ఉద్రిక్తత మరింత పెరిగింది.

మొదట మాత్రం..

మొదట దక్షిణ కొరియా తన మిత్రదేశాలతో విన్యాసాలు నిర్వహించింది. ఆ తర్వాత సరిహద్దులో వింత దాడులు జరిగాయి. ఉత్తర కొరియా ఫిరాయింపుదారుల వివరాలతో దక్షిణ కొరియా నోటీసు జారీ చేసింది. దీనికి ప్రతిగా ఉత్తర కొరియా దక్షిణ కొరియాపై శిధిలాలతో కూడిన బాంబులను పేల్చింది. దీనికి ప్రతిస్పందనగా ఉత్తరకొరియా.. దక్షిణ కొరియా సరిహద్దులో లౌడ్ స్పీకర్లను అమర్చింది. ఆ తర్వాత ఉత్తర కొరియా కూడా ఇదే వాదన చేసింది. అయితే వారిని మానసికంగా ప్రభావితం చేసేందుకు అనేక స్వరాలను ప్రసారం చేయడం ప్రస్తుతం హాట్ టాపిక్‌గా మారింది.

ఇవి కూడా చదవండి:

Miss Universe2024: మిస్ యూనివర్స్ విజేతగా విక్టోరియా క్జెర్.. భారత్ నుంచి రియా మాత్రం..

Investment Tips: ఒకేసారి రూ. 12 లక్షలు పెట్టుబడి చేసి మరచిపోండి.. ఆ తర్వాత ఎంతవుతుందంటే..

Bank Holidays: నవంబర్ 2024లో బ్యాంక్ సెలవులు.. దాదాపు సగం రోజులు బంద్..

PPF Account: ఉపయోగించని మీ పీపీఎఫ్ ఖాతాను ఇలా యాక్టివేట్ చేసుకోండి..

Read More International News and Latest Telugu News