శ్రీహరికోట: ఇవాళ సాయంత్రం 4:08 గంటలకు ప్రయోగించాల్సిన పీఎస్ఎల్వీ సీ-59 రాకెట్ ప్రయోగం వాయిదా పడింది. నిన్న మధ్యాహ్నం 2:38 నిమిషాలకు శ్రీహరికోట సతీశ్ ధవన్ స్పేస్ సెంటర్ లో దీనికి కౌంట్ డౌన్ మొదలైంది. కాగా ఈ ప్రయోగాన్ని రేపటికి వాయిదా వేస్తున్నట్టుగా ఇస్రో ప్రకటించింది. ప్రతికూల వాతావరణం కారణంగా రాకెట్ ప్రయోగాన్ని తాత్కాలికంగా నిలిపివేసినట్టుగా తెలిపింది. ఈ తరహా ప్రాజెక్టును ఇస్రో తొలిసారిగి ప్రయోగించనుంది. తాత్కాలికంగా ఈ రాకెట్ లాంచ్ కి బ్రేక్ పడటంతో గురువారం సాయంత్రం 4:12 నిమిషాలకు తిరిగి ప్రయోగించనున్నట్టు ఇస్రో తెలిపింది.

ఈ రాకెట్ ద్వారా యూరోపియన్ స్పేస్ ఏజెన్సీకి చెందిన ప్రోబా-3 మిషన్ ను ప్రయోగిస్తున్న సంగతి తెలిసిందే. ఈ మిషన్ ద్వారా రెండు ఉపగ్రహాలను నింగిలోకి పంపించనున్నారు. వీటిని ఒకే కక్ష్యలో ఏర్పాటు చేశారు. ఇది భూమి నుంచి 60వేల కిలోమీటర్ల దూరంలో ఉంది. ఈ ప్రయోగం విజయవంతమైతే మరిన్ని విదేశీ ఉపగ్రహాలను మన ద్వారా ప్రయోగించే అవకాశం ఉందని శాస్త్రవేత్తలు అంటున్నారు.

ఈ ప్రాజెక్టు ద్వారా సూర్యుడి బాహ్య వాతావరణమైన కరోనాపై కీలక పరిశోధనలు జరపనున్నారు. దీనిపై నిఘా పెట్టడం ద్వారా ఎప్పటికప్పుడు అప్ డేట్స్ తెలుసుకోనున్నారు. ఈ రెండు ఉపగ్రహాలు పరస్పర సమన్వయంతో ఒకే భూ కక్ష్యలో విహరిస్తుంటాయి. భవిష్యత్తులో కృత్రిమ సూర్యుడిని సృష్టించడం వంటి ప్రయోగాలకు ఈ ఉపగ్రహాలు కీలకం కానున్నాయి.

Railways Subsidy: ప్రతి ప్రయాణీకుడి టిక్కెట్‌పై 46 శాతం సబ్సిడీ.. రైల్వే మంత్రి కీలక ప్రకటన