Parliament sessions : పార్లమెంటు సమావేశాలు 24 నుంచి
ABN , Publish Date - Jun 13 , 2024 | 04:42 AM
ఇటీవలి ఎన్నికల్లో నూతనంగా ఎన్నికైన ఎంపీలతో 18వ లోక్‌సభ ఈ నెల 24న కొలువుదీరనుంది. జూలై 3 వరకు ఈ సమావేశాలు జరగనున్నాయి. తొలి మూడు రోజులు
న్యూఢిల్లీ, జూన్‌ 12: ఇటీవలి ఎన్నికల్లో నూతనంగా ఎన్నికైన ఎంపీలతో 18వ లోక్‌సభ ఈ నెల 24న కొలువుదీరనుంది. జూలై 3 వరకు ఈ సమావేశాలు జరగనున్నాయి. తొలి మూడు రోజులు సభ్యుల ప్రమాణ స్వీకార కార్యక్రమం, స్పీకర్‌ ఎన్నిక ఉంటాయని పార్లమెంటరీ వ్యవహారాల మంత్రి కిరెన్‌ రిజిజు తెలిపారు. ఈ నెల 27న రాష్ట్రపతి ద్రౌపది ముర్ము పార్లమెంటు ఉభయ సభలనుద్దేశించి ప్రసంగిస్తారని పేర్కొన్నారు. ఇక రాజ్యసభ 264వ సమావేశాలు ఈ నెల 27 నుంచి జూల్‌ 3 వరకు కొనసాగుతాయని ‘ఎక్స్‌’లో రిజిజు పేర్కొన్నారు. కాగా, ప్రధాని మోదీ తన మంత్రులను 27న రాష్ట్రపతి ప్రసంగం అనంతరం పార్లమెంటుకు పరిచయం చేస్తారని భావిస్తున్నారు.
