Papaaya : బొప్పాయితో అందంగా...
ABN , Publish Date - Jun 26 , 2024 | 05:03 AM
బొప్పాయి తింటే చక్కటి ఆరోగ్యం కలుగుతుంది. ఇదే బొప్పాయి గుజ్జు జుట్టుకే కాదు.. చర్మ సౌందర్యానికీ మేలు చేస్తుంది. బొప్పాయితో ఇలా సులువుగా ఫేస్ప్యాక్స్ చేసుకోవచ్చు...
బొప్పాయి తింటే చక్కటి ఆరోగ్యం కలుగుతుంది. ఇదే బొప్పాయి గుజ్జు జుట్టుకే కాదు.. చర్మ సౌందర్యానికీ మేలు చేస్తుంది. బొప్పాయితో ఇలా సులువుగా ఫేస్ప్యాక్స్ చేసుకోవచ్చు...
బౌల్లో పావు కప్పు బొప్పాయి గుజ్జును తీసుకుని ఇందులో రెండు టేబుల్ స్పూన్ల తేనె, స్పూన్ తులసి పొడి కలపాలి. ఈ మిశ్రమాన్ని ముఖానికి పట్టించి ఆరిన తర్వాత కడిగేస్తే మృతకణాలు తొలగిపోతాయి. అంతేకాకుండా మొటిమలు తగ్గిపోతాయి.
రెండు టేబుళ్ల బొప్పాయి చూర్ణంలోకి అరటీస్పూన్ పసుపు వేసి కలపాలి. ఈ మిశ్రమాన్ని ముఖానికి పటిస్తే పిగ్నెంటేషన్ పోతుంది. ముఖం మీద ఉండే నొప్పులు పోతాయి. యూత్ఫుల్గా కనిపిస్తారు.
ఇంట్లో బొప్పాయి తప్ప ఏమీ లేకపోతే.. బొప్పాయి చూర్ణాన్ని చర్మంమీద పట్టించాలి. ముప్ఫయి నిముషాల తర్వాత ముఖాన్ని శుభ్రం చేసుకోవాలి. దీనివల్ల అందులోని ఎ, సి విటమిన్ల వల్ల చర్మంలో డీప్ క్లీనింగ్ జరుగుతుంది. చర్మం మిలమిలా మెరుస్తుంది.
బౌల్లో రెండు టేబుల్ స్పూన్ల బొప్పాయి గుజ్జును, రెండు టేబుల్ స్పూన్ల అరటిగుజ్జు కలిపి ముఖానికి, మెడ చివర వరకూ పట్టించాలి. ఇలా తరచుగా చేస్తుంటే చర్మం మృదువుగా ఉంటుంది.
రెండు టేబుల్ స్పూన్ల బొప్పాయి పేస్టులో అరటీస్పూన్ కొబ్బరి నూనె వేసి మెత్తగా కలపాలి. ఈ మిశ్రమాన్ని ముఖానికి పట్టించి అరగంట తర్వాత కడిగేయాలి. ఇలా చేస్తుంటే చర్మం మీద మంటలు తగ్గుతాయి.
బౌల్లో తెల్లసొన వేసి ఇందులోకి రెండు చెంచాల బొప్పాయి పేస్ట్ వేసి కలపాలి. ఈ మిశ్రమాన్ని ముఖానికి పట్టిస్తే చర్మం మీద ముడతలు కనపడవు.
జిడ్డు చర్మం లేదా ఆయిలీ స్కిన్ ఉంటే నిద్రపోయే ముందు రెండు స్పూన్ల బొప్పాయి గుజ్జు, రెండు స్పూన్ల పెరుగు తీసుకుని కలిపాక.. ముఖానికి పట్టించుకోవాలి. ఆరిన తర్వాత శుభ్రం చేసుకోవాలి.