సూర్యాపేట జిల్లాలో గవర్నర్ పర్యటన

సూర్యాపేట జిల్లా: సమీకృత జిల్లా అధికారుల కార్యాలయ భవన సముదాయంలో రాష్ట్ర గవర్నర్ జిష్ణు దేవ్ వర్మ స్టాల్స్‌ను ప్రారంభించి సమావేశంలో పాల్గొన్నారు. ఈ కార్యక్రమంలో రాష్ట్ర నీటిపారుదల శాఖ మంత్రి ఉత్తంకుమార్ రెడ్డి, జిల్లా నేతలు పాల్గొన్నారు. ఈ సందర్బంగా గవర్నర్ మాట్లాడుతూ.. భారతదేశం 2047 నాటికి అన్నిరంగాల్లో అభివృద్ధి సాధించి వికసిత్‌ భారత్‌ కావాలని, అదే లక్ష్యంగా ప్రతి ఒక్కరూ పనిచేయాలని ఆకాంక్షించారు. గురువారం సూర్యాపేట జిల్లా పర్యటనలో భాగంగా కలెక్టరేట్‌లో వివిధ శాఖల ఆధ్వర్యంలో ఏర్పాటు చేసిన స్టాల్స్‌ను ఆయన సందర్శించారు.