ఈ 8 టిప్స్ ఫాలో అవుతుంటే చాలు.. ఫ్యాటీ లివర్ సమస్య రానే రాదు..!
ABN, Publish Date - Oct 02 , 2024 | 01:23 PM
ఫ్యాటీ లివర్ కాలేయాన్ని దెబ్బతీసే ఆరోగ్య సమస్య. కాలేయంలో కొవ్వు పేరుకుపోవడం జరుగుతుంది. దీనిని ఫ్యాటీ లివర్ అని అంటారు. ఫ్యాటీ లివర్ కారణంగా కాలేయం పనితీరు దెబ్బతింటుంది. ఇది శరీరంలో ఇతర కార్యకలాపాలకు ఆటంకంగా మారుతుంది.
1/9
ఫ్యాటీ లివర్ సమస్య అస్సలు రావద్దని భావిస్తే.. 8 టిప్స్ ఫాలో అవ్వాలని వైద్యులు, ఆహార నిపుణులు చెబుతున్నారు. అవేంటంటే..
2/9
బరువు.. అధిక బరువు కాలేయాన్ని ప్రభావితం చేస్తుంది. కాలేయం పనితీరును దెబ్బతీస్తుంది. అధిక బరువు ఉన్నవారిలో చెడు కొవ్వులు ఎక్కువగా ఉంటాయి. ఈ కారణంగా కాలేయానికి ముప్పు పొంచి ఉంటుంది. బరువు తగ్గడం ద్వారా ఫ్యాటీ లివర్ సమస్య రాకుండా చేసుకోవచ్చు.
3/9
ఆహారం.. తీసుకునే ఆహారాన్ని బట్టే ఆరోగ్యం ఉంటుంది. అధిక కేలరీలు, వేయించిన ఆహారాలు, జంక్ ఫుడ్స్ మొదలైనవి కాలేయాన్ని దెబ్బతీస్తాయి. జీర్ణవ్యవస్థను దెబ్బతీస్తాయి. వీటిని తినడం మానేయాలి. పోషకాలతో కూడిన సమతుల్య ఆహారం తీసుకోవాలి.
4/9
వ్యాయామం.. రెగ్యులర్ గా వ్యాయామం చేయడం వల్ల మొత్తం శరీరం ఆరోగ్యంగా ఉంటుంది. ముఖ్యంగా ఊబకాయం ఉన్నవారికి ఫ్యాటీ లివర్ వచ్చే అవకాశం ఎక్కువ. అందుకే వ్యాయామం చేస్తుంటే శరీరంలో కొవ్వు బర్న్ కావడంలో సహాయపడుతుంది.
5/9
కాఫీ.. కాఫీలో యాంటీ ఆక్సిడెంట్లు, యాంటీ ఇన్‌ఫ్లమేటరీ లక్షణాలు ఉంటాయి. ఇవి కాలేయంలోని కొవ్వును బర్న్ చేయడంలో, జీవక్రియను మెరుగుపరచడంలో సహాయపడతాయి. అయితే కాఫీని మితంగా తీసుకోవాలి.
6/9
మిల్క్ తిస్టిల్.. ఇది కుసుమ జాతికి చెందిన మొక్క. దెబ్బతిన్న కాలేయానికి చికిత్స చేయడానికి పేగు సమస్యలు నివారించడానికి ఇది సహాయపడుతుంది. వైద్యుల సలహా మేరకు దీన్ని వాడితే కాలేయ సమస్యలు తగ్గుతాయి.
7/9
చక్కెర.. శుద్ది చేసిన చక్కెర ఊబకాయానికి కారణం అవుతుంది. కాలేయం సహా మొత్తం ఆరోగ్యానికి చేటు చేస్తుంది. చక్కెరకు బదులు బెల్లం, తేనె వంటి సహజ తీపి పదార్థాలను తీసుకోవాలి.
8/9
కాలేయ చికాకులు.. అనారోగ్యకర ఆహారాలు తీసుకోవడం, కన్ స్ట్రక్షన్ పనులు జరుగుతున్న ప్రాంతాలకు వెళ్లడం, కాలేయాన్ని దెబ్బతీసే టాక్సిన్లకు గురికావడం మొదలైనవాటికి దూరంగా ఉండాలి.
9/9
విటమిన్లు.. విటమిన్-ఎ, విటమిన్-సి వంటి యాంటీ ఆక్సిడెంట్లు కాలేయాన్ని ఆరోగ్యంగా ఉంచుతాయి. సిట్రిక్ పండ్లు, ఆకుకూరలు తీసుకుంటే కాలేయం సేఫ్ గా ఉంటుంది.
Updated at - Oct 02 , 2024 | 01:23 PM
