The Raja saab: డార్లింగ్ ఫ్యాన్స్ కు గుడ్ న్యూస్

సలార్, కల్కి సినిమాల సక్సెస్ తో ప్రభాస్ ఫ్యాన్స్ ఫుల్ జోష్ మీదున్నారు. ఇదే జోరును కంటిన్యూ చేస్తూ.. రెబల్ స్టార్ కూడా టాలెంటెడ్ డైరెక్టర్స్ తో వరుస పెట్టి సినిమాలు తీస్తున్నాడు. ఈ క్రమంలోనే ప్రభాస్ (Prabhas) ఇప్పటిదాకా ట‌చ్‌ చేయని రొమాంటిక్ హర్రర్ జోనర్ లో "రాజా సాబ్" సినిమా తెర‌కెక్కుతుండ‌డం విశేషం. డార్లింగ్ ఫ్యాన్స్ కు ఎప్పటికీ గుర్తుండిపోయేలా ప్రభాస్ ను స్క్రీన్ మీద ప్రెజెంట్ చేయబోతున్నాడు డైరెక్టర్ మారుతి(Maruthi). కాగా ఈ సినిమాను వచ్చే ఏడాది ఏప్రిల్ 10న తెలుగుతో పాటు తమిళ, మలయాళ, కన్నడ, హిందీ భాషల్లో విడుదల చేయబోతున్నారు. ఇప్పటికే రీలీజైన గ్లిమ్ప్స్ ఫ్యాన్స్ కు తెగ నచ్చేసింది. అయితే తాజాగా మూవీ టీమ్ నుండి వచ్చిన మరో అప్డేట్ ఫ్యాన్స్ ని మరింత సంబరపరుస్తోంది. ఇంతకీ ఆ అప్డేట్ ఏంటంటే..

ఈ మూవీలో ప్రభాస్ టైటిల్ రోల్‌లో నటించగా, నిధి అగర్వాల్, రిద్ధి కుమార్ మరియు మాళవిక మోహనన్ ప్రధాన పాత్రల్లో నటిస్తున్నారు. తమన్ సంగీతం అందిస్తున్నారు. దీంతో అభిమానుల్లో అంచనాలు ఊపందుకున్నాయి. ఈ నేపథ్యంలో శరవేగంగా సాగుతున్న ఈ సినిమా షూట్ నవంబర్ లో పూర్తవనున్నట్లు సమాచారం. దీంతో ఫ్యాన్స్ సంబరపడిపోతున్నారు. నెక్స్ట్ ప్రభాస్ చేస్తున్న ఫౌజి, సలార్ 2, స్పిరిట్ లతో పాటు కల్కి పార్ట్ 2 సినిమాలని తొందరగా కంప్లీట్ చేసే అవకాశముంది.

మాస్‌ హీరో పక్కన ఇద్దరు హీరోయిన్లు కాలు కదిపితే ఆ కిక్కే వేరు. అదే ముగ్గురు హీరోయిన్లు చిందేస్తే డాల్బీ అట్మాస్‌ థియేటర్లు దద్దరిల్లిపోవడం ఖాయం. అలాంటి సందడే ‘ది రాజా సాబ్‌’లో చేయనున్నారు. ప్రభాస్‌ మాస్‌ ఇమేజ్‌, మారుతి స్టైల్‌ కామెడీ వెరసి ఫ్యాన్స్ తో ఈలలు వేయించే మూమెంట్స్‌కు కొదవ లేదంటున్నారు మారుతి. అందుకోసమే ఈ చిత్రంలో ఎన్నో సర్‌ప్రైజ్‌లు పొందుపరిచారు. వాటిలో ప్రత్యేక గీతం ఒకటి. ప్రభాస్‌ స్టైలిష్‌ డాన్స చూసి చాలా కాలమైంది. ఆ లోటు ‘రాజా సాబ్’తో తీరబోతోంది. ఇందులో నిధీ అగర్వాల్‌, రిద్దికుమార్‌, మాళవిక మోహనన్‌ నాయికలుగా నటిస్తున్నారు. ఈ ముగ్గురితో ప్రభాస్‌ ఆడిపాడేలా ఓ పాట డిజైన్ చేశారు. ఈ పాట థియేటర్లని ఓ ఊపు ఊపేయ్యబోతోందని టాక్‌ వినిపిస్తోంది. డార్లింగ్‌తో మాసీ స్టెప్పులు వేయించాలన్న లక్ష్యంతోనే మారుతి ఈ పాటను డిజైన చేశారట. ఈ మధ్యకాలంలో స్టార్‌ హీరో పక్కన ముగ్గురు హీరోయిన్లు డాన్స్ చేసిన సందర్భాలు చాలా తక్కువనే చెప్పాలి. ఈ తరంలో ఏ హీరోకీ ఈ ఛాన్స్ రాలేదని చెప్పాలి.

మరిన్ని చిత్రజ్యోతి వార్తల కోసం