Surabhi Jyothi: వారెవ్వా... ఈ నటి రిసెప్షన్ ఫొటోలు చూస్తే ఫిదా అవాల్సిందే..
ABN , Publish Date - Nov 01 , 2024 | 02:13 PM
ప్రముఖ నటి సురభి జ్యోతి ఇటీవల పెళ్లి చేసుకుంది. ఇందుకు సంబంధించిన రిసెప్షన్ ఫొటోలు వైరల్ గా మారాయి.
ముంబై: ప్రముఖ హిందీ సీరియల్ నటి సురభి జ్యోతి ఇటీవలే వివాహ బంధంలోకి అడుగుపెట్టిన సంగతి తెలిసిందే. అక్టోబర్ 27న తన ప్రియుడు, బాలీవుడ్ నటుడు సుమిత్ సూరిని ఉత్తరాఖండ్‌లోని ఓ రిసార్ట్‌లో పెళ్లి చేసుకుంది. ఈ క్రమంలోనే రిసెంట్ గా జరిగిన రిసెప్షన్ పార్టీలో సురభి తన అందంతో అందరిని కట్టిపడేసింది. అన్షికా తక్ ఫ్యాషన్ లేబుల్ వారు చేసిన గోల్డెన్ కలర్ లెహంగా ధరించి నెటిజన్స్ ను తన వైపు తిపుకుంది. స్లీవ్‌లెస్ బ్లౌజ్‌ తో లెహంగాకు మ్యాచింగ్ గా డైమెండ్ ఇయర్ రింగ్స్ పెట్టుకుని, మెడలో మంగళసూత్రం వేసుకుని ఫ్యాన్స్ ను ఫిదా చేసింది.
ఇందుకు సంబంధించిన ఫొటోలను సురభి తన సోషల్ మీడియాలో షేర్ చేసింది. ఫ్రెండ్స్ అండ్ ఫ్యామిలీతో కలిసి ఆమె డ్యాన్స్ వేస్తూ తెగ సందడి చేశారు. ఈ పిక్స్ చూసిన సహనటీనటులు, అభిమానులు లైకుల వర్షం కురిపిస్తూ కొత్త జంటకు శుభాకాంక్షలు చెబుతున్నారు. ఇక సురభి నటించిన సీరియల్స్ విషయానికి వస్తే ఖుబూల్ హై, నాగిన్, కోయి లౌట్ కే ఆయా హై తదితర సీరియల్స్‌తో ఎంతో ఫేమస్ అయింది.
ఐదేళ్ల క్రితం హాంజి-ద మ్యారేజ్ మంత్ర అనే మ్యూజిక్ వీడియోలో సురభి - సుమిత్ తో కలిసి నటించారు. ఆ సమయంలోనే ఇద్దరూ లవ్ లో పడ్డారు. ప్రియుడు సుమిత్ 2013లో నటుడిగా బాలీవుడ్‌లోకి అడుగుపెట్టి ఒకవైపు సినిమాలు, మరోవైపు సీరియల్స్, వెబ్ సిరీసుల్లోనూ నటిస్తూ 30కి పైగా యాడ్స్‌లో నటించి మంచి గుర్తింపు తెచ్చుకున్నాడు. సురభి - సుమిత్ దాదాపు ఐదేళ్లుగా ప్రేమించుకుని ఇప్పుడు పెళ్లి చేసుకుని ఒక్కటయ్యారు.
Also Read:
SS Rajamouli: సింహంతో రాజమౌళి.. ఇది ఊహకందని కథ
ప్రముఖ సింగ‌ర్ ఇంటిపై కాల్పులు.. వీడియో రిలీజ్‌
