Viral Video: ఆశ్చర్యం.. భక్తురాలి జోలికి వెళ్లని పాము.. షాకింగ్ వీడియోపై నెటిజన్ల కామెంట్లు ఏంటంటే..

ABN , Publish Date - Nov 10 , 2024 | 08:16 AM

బీహార్, జార్ఖండ్‌ ప్రజలకు ఛత్ అతిపెద్ద పండుగ సమయం. ఈ నాలుగు రోజుల పండుగలో సూర్య భగవానుడు, ఛతీమయ్యను పూజిస్తారు. రాముడు, సీత అయోధ్య నుంచి తిరిగి వచ్చి పట్టాభిషేకం జరిగిన తర్వాత సీతా దేవి ఉపవాస దీక్ష చేసి, సూర్యుణ్ని పూజించిన రోజుగా భావిస్తారు.

Viral Video: ఆశ్చర్యం.. భక్తురాలి జోలికి వెళ్లని పాము.. షాకింగ్ వీడియోపై నెటిజన్ల కామెంట్లు ఏంటంటే..

snake suddenly appeared during Chhath Puja

ఉత్తర భారతదేశంలో ఛత్ పూజను (Chhath Puja) ఎంతో భక్తి శ్రద్ధలతో చేస్తుంటారు. బీహార్, జార్ఖండ్‌ ప్రజలకు ఛత్ అతిపెద్ద పండుగ సమయం. ఈ నాలుగు రోజుల పండుగలో సూర్య భగవానుడు, ఛతీమయ్యను పూజిస్తారు. రాముడు, సీత అయోధ్య నుంచి తిరిగి వచ్చి పట్టాభిషేకం జరిగిన తర్వాత సీతా దేవి ఉపవాస దీక్ష చేసి, సూర్యుణ్ని పూజించిన రోజుగా భావిస్తారు. ఈ పండగా కార్తీక శుక్ల చతుర్ది నాడు ప్రారంభమై కార్తీక శుక్ల సప్తమి రోజున ముగుస్తుంది. ఆ సమయంలో మహిళలు ఉపవాసంతో ఉండి చివరి రోజున నదిలోకి వెళ్లి సూర్యుడికి అర్ఝ్య సమర్పిస్తారు. తాజాగా కొందరు మహిళలు అందుకోసం ఓ నదిలోకి దిగారు. ఆ సమయంలో జరిగిన ఘటన చాలా మందికి ఆశ్చర్యం కలిగిస్తోంది (Viral Video).

వైరల్ అవుతున్న ఆ వీడియో ప్రకారం ఛత్ పూజ సమయంలో అర్ఘ్యను అందించడానికి నది ఒడ్డున నీటిలో మహిళలు నిలబడి ఉన్నారు. ఆ సమయంలో ఒక పాము (Snake) నీటి అడుగు నుంచి ఈదుకుంటూ అక్కడకు చేరుకుంది. ఆ పామును చూసిన చాలా మంది మహిళలు భయంతో ఒడ్డుకు ఎక్కేశారు. అయితే ఒక మహిళ మాత్రం ఆ నీటిలో అలాగే ఉండిపోయింది. ఆ పాము ఆమె వైపు ఈదుకుంటూ వెళ్లింది. ఏం జరుగుతుందో అని అందరూ ఉత్కంఠగా ఎదురుచూశారు. అయితే ఆమె వైపు తల ఎత్తి చూసిన పాము ఆమెను ఏం చేయకుండా పక్క నుంచి వెళ్లిపోయింది. ఆ వీడియో సోషల్ మీడియాలో వైరల్‌గా మారింది.

ఈ వైరల్ వీడియోను వివిధ సామాజిక మాధ్యమాల ద్వారా లక్షల మంది వీక్షించారు. వేల మంది ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``ఆమె విశ్వాసం, ధైర్యం చాలా గొప్పవి``, ``అది దైవంపై ఆమెకు ఉన్న నమ్మకం``, ``ఆపదలో ఉన్నప్పుడు కంగారు పడకుండా నిర్భయంగా ఎదుర్కోవాలి``, ``ఇది నిజంగా ఆశ్చర్యం`` అంటూ నెటిజన్లు కామెంట్లు చేశారు.