బరిలో సాత్విక్‌ జోడీ

నేటి నుంచి చైనా ఓపెన్‌

షెన్‌జెన్‌ (చైనా): పారిస్‌ ఒలింపిక్స్‌లో నిరాశాజనక ప్రదర్శన అనంతరం ఆటకు దూరమైన భారత బ్యాడ్మింటన్‌ టాప్‌ డబుల్స్‌ జోడీ సాత్విక్‌ సాయిరాజ్‌-చిరాగ్‌ షెట్టి జంట మళ్లీ కోర్టులోకి అడుగుపెట్టనుంది. మంగళవారం నుంచి జరిగే చైనా మాస్టర్స్‌ టోర్నీలో సాత్విక్‌ జోడీ బరిలోకి దిగనుంది. విశ్వక్రీడల తర్వాత సాత్విక్‌ భుజానికి గాయం కావడంతో కొంత విరామం తీసుకోవాల్సిన పరిస్థితి. గతేడాది రన్నర్‌పగా నిలిచిన సాత్విక్‌ జోడీ.. తొలి రౌండ్‌లో చైనీస్‌ తైపీ ద్వయం లీ జి హు-యాంగ్‌ పొ హసువన్‌తో తలపడనుంది. పేలవ ప్రదర్శనతో ఇబ్బందులుపడుతున్న సింగిల్స్‌ స్టార్లు పీవీ సింధు, లక్ష్య సేన్‌తోపాటు యువ షట్లర్లు ఆకర్షి కశ్యప్‌, మాళవిక అదృష్టాన్ని పరీక్షించుకోనున్నారు. డబుల్స్‌లో ట్రీసా జాలీ-గాయత్రి, మిక్స్‌డ్‌లో సుమీత్‌-సిక్కి జోడీలు ఆడనున్నాయి.