డబ్బు కోసం వెళ్లలేదు
ABN , Publish Date - Nov 20 , 2024 | 02:41 AM
ఢిల్లీ క్యాపిటల్స్‌ను వీడడానికి డబ్బు కారణం కాదని ఆ జట్టు మాజీ కెప్టెన్‌ రిషభ్‌ పంత్‌ తేల్చాడు. రిటెన్షన్‌ ఫీజు విషయంలో ఫ్రాంచైజీతో పంత్‌కు విభేదాలు తలెత్తాయేమోనని, అందుకే...
ఢిల్లీని వీడడంపై పంత్‌
న్యూఢిల్లీ: ఢిల్లీ క్యాపిటల్స్‌ను వీడడానికి డబ్బు కారణం కాదని ఆ జట్టు మాజీ కెప్టెన్‌ రిషభ్‌ పంత్‌ తేల్చాడు. రిటెన్షన్‌ ఫీజు విషయంలో ఫ్రాంచైజీతో పంత్‌కు విభేదాలు తలెత్తాయేమోనని, అందుకే అతను జట్టును వీడి ఉండొచ్చని గవాస్కర్‌ వ్యాఖ్యానించాడు. దీనిపై పంత్‌ స్పందిస్తూ.. ‘నా రిటెన్షన్‌ అంశం డబ్బుతో ముడిపడి లేదని కచ్చితంగా చెప్పగలను’ అంటూ సన్నీ వీడియోను ట్యాగ్‌ చేస్తూ ఎక్స్‌లో పోస్ట్‌ చేశాడు. మరోవైపు ఆటగాళ్ల వేలంలో పంత్‌ను తిరిగి ఢిల్లీ జట్టు దక్కించుకునే అవకాశం లేకపోలేదని గవాస్కర్‌ అభిప్రాయపడ్డాడు.
