సెమీస్‌లో స్పెయిన్‌

జర్మనీపై 2-1తో గెలుపు

యూరో కప్‌

హాంబర్గ్‌: యూరో కప్‌ ఫుట్‌బాల్‌ సమరంలో స్పెయిన్‌ సత్తా చాటింది. జర్మనీపై మరోసారి తన ఆధిపత్యాన్ని చాటుతూ సెమీఫైనల్‌కు దూసుకెళ్లింది. శుక్రవారం ఉత్కంఠగా సాగిన క్వార్టర్‌ఫైనల్‌ పోరులో స్పెయిన్‌ 2-1తో జర్మనీపై గెలుపొందింది. నిర్ణీత సమయానికి ఇరుజట్లు 1-1తో సమంగా నిలిచాయి. స్పెయిన్‌ తరఫున డాని ఓల్మో (51వ), జర్మనీ నుంచి ఫ్లోరియన్‌ (89వ) చెరో గోల్‌ కొట్టారు. దీంతో ఫలితం కోసం దారితీసిన ఎక్స్‌ట్రా టైమ్‌లో మికెల్‌ మెరినో 119వ నిమిషంలో గోల్‌ సాధించి స్పెయిన్‌కు విజయాన్ని అందించాడు. శనివారం జరిగే క్వార్టర్‌ఫైనల్స్‌లో ఇంగ్లండ్‌తో స్విట్జర్లాండ్‌ (రా. 9.30 నుంచి), నెదర్లాండ్స్‌తో టర్కీ (అర్ధరాత్రి 12.30 నుంచి) తలపడనున్నాయి.