హైదరాబాద్‌లో ఫుట్‌బాల్‌ సందడి

నేడు గచ్చిబౌలి స్టేడియంలో భారత్‌తో మలేసియా ఫ్రెండ్లీ మ్యాచ్‌

రాత్రి 7.30 నుంచి స్పోర్ట్స్‌ 18లో..

హైదరాబాద్‌: భాగ్యనగరంలో అంతర్జాతీయ ఫుట్‌బాల్‌ సందడి నెలకొంది. గచ్చిబౌలి స్టేడియంలో సోమవారం జరిగే ఫిఫా స్నేహపూర్వక మ్యాచ్‌లో మలేసియాతో భారత్‌ తలపడనుంది. రాత్రి 7.30కి మొదలయ్యే ఈ మ్యాచ్‌కు తెలంగాణ సీఎం రేవంత్‌రెడ్డి ముఖ్య అతిథిగా విచ్చేయనున్నారు. కాగా ఈ ఏడాది 10 మ్యాచ్‌లు ఆడిన భారత్‌.. ఒక్క దాంట్లోనూ నెగ్గలేదు. గాయం కారణంగా పది నెలలపాటు ఆటకు దూరమైన సీనియర్‌ ఆటగాడు సందేశ్‌ జింగన్‌ జట్టులోకి పునరాగమనం చేస్తుండడం జట్టు బలాన్ని పెంచేదే. ఇక.. ఇరుజట్లూ గతంలో 32 సార్లు తలపడగా.. చెరో 12 మ్యాచ్‌ల్లో విజయం సాధించాయి.