‘బాక్సింగ్‌ డే’ టిక్కెట్లకు ఫుల్‌ గిరాకీ

మెల్‌బోర్న్‌: ఆస్ట్రేలియాతో ఈ ఏడాది చివర్లో జరిగే బాక్సింగ్‌ డే టెస్టు కోసం అభిమానులు ఆత్రుతగా ఎదురుచూస్తున్నారు. ఐదు టెస్టుల సిరీ్‌సలో భాగంగా డిసెంబరు 26న మెల్‌బోర్న్‌ క్రికెట్‌ మైదానంలో ఈ నాలుగో టెస్టు ఆరంభం కానుంది. లక్షకు పైగా సీటింగ్‌ సామర్థ్యం కలిగిన ఈ స్టేడియంలో మ్యాచ్‌ టిక్కెట్ల అమ్మకాలు రికార్డు స్థాయిలో సాగుతున్నట్టు క్రికెట్‌ ఆస్ట్రేలియా (సీఏ) పేర్కొంది. 2018/19తో పోలిస్తే ఈసారి తొలి రోజు అమ్మకాలే మూడింతలు పెరిగాయట. అలాగే రెండు నుంచి నాలుగు రోజుల మధ్య గమనిస్తే ఐదున్నర రెట్లు ఎక్కువగా ఇరు జట్ల ఫ్యాన్స్‌ టిక్కెట్లను కొనుగోలు చేశారని సీఏ ఎగ్జిక్యూటివ్‌ జీఎం జోయెల్‌ మారిసన్‌ తెలిపాడు.