జపాన్‌తో భారత్‌ సెమీస్‌ నేడు
ABN , Publish Date - Nov 19 , 2024 | 06:30 AM
టోర్నమెంట్‌లో ఇప్పటి వరకు ఎరుగని అపజయం..దాంతో ఏర్పడిన కొండంత ఆత్మవిశ్వాసం..వెరసి హాకీ ఆసియా చాంపియన్స్‌ ట్రోఫీ డిఫెండింగ్‌ చాంప్‌ భారత మహిళల జట్టు కీలక
సాయంత్రం 4.30 నుంచి సోనీ నెట్‌వర్క్‌లో
మహిళల హాకీ చాంపియన్స్‌ ట్రోఫీ
రాజ్‌గిర్‌ (బిహార్‌): టోర్నమెంట్‌లో ఇప్పటి వరకు ఎరుగని అపజయం..దాంతో ఏర్పడిన కొండంత ఆత్మవిశ్వాసం..వెరసి హాకీ ఆసియా చాంపియన్స్‌ ట్రోఫీ డిఫెండింగ్‌ చాంప్‌ భారత మహిళల జట్టు కీలక పోరుకు సిద్ధమైంది. మంగళవారం జరిగే సెమీఫైనల్లో జపాన్‌ జట్టును ఢీకొననుంది. టోర్నీలో ఇప్పటిదాకా మన ఆటతీరు పరిశీలిస్తే సెమీస్‌లో నిస్సందేహంగా భారత జట్టే ఫేవరెట్‌. అంతేకాదు..చివరి లీగ్‌ మ్యాచ్‌లో 3-0తో జపాన్‌ను చిత్తు చేయడం భారత్‌లో మరింత ఆత్మవిశ్వాసాన్ని పెంచుతోంది. ట్నోనలో ఆడిన ఐదు మ్యాచ్‌ల్లో అన్నింటిలోనూ నెగ్గిన భారత జట్టు..పారిస్‌ ఒలింపిక్స్‌ రజత పతక విజేత చైనానూ కంగుతినిపించడం గమనార్హం. మంగళవారం జరిగే మరో సెమీఫైనల్లో చైనాతో మలేసియా తలపడనుంది.
