హైదరాబాద్‌ 301
ABN , Publish Date - Nov 15 , 2024 | 02:46 AM
ఆంధ్రతో జరుగుతున్న రంజీ ఎలీట్‌ మ్యాచ్‌లో హైదరాబాద్‌ తొలి ఇన్నింగ్స్‌లో 301 పరుగులు చేసింది. తన్మయ్‌ అగర్వాల్‌ (159) భారీ శతకం సాధించాడు. స్పిన్నర్‌ విజయ్‌కు ఐదు, రఫీకి రెండు వికెట్లు దక్కాయి...
ఆంధ్ర 168/2
రషీద్‌ అర్ధసెంచరీ
హైదరాబాద్‌: ఆంధ్రతో జరుగుతున్న రంజీ ఎలీట్‌ మ్యాచ్‌లో హైదరాబాద్‌ తొలి ఇన్నింగ్స్‌లో 301 పరుగులు చేసింది. తన్మయ్‌ అగర్వాల్‌ (159) భారీ శతకం సాధించాడు. స్పిన్నర్‌ విజయ్‌కు ఐదు, రఫీకి రెండు వికెట్లు దక్కాయి. ఆ తర్వాత రెండో రోజు గురువారం ఆట ముగిసే సమయానికి ఆంధ్ర తొలి ఇన్నింగ్స్‌లో 58 ఓవర్లలో 2 వికెట్లకు 168 పరుగులు చేసింది. రషీద్‌ (79 బ్యాటింగ్‌) అజేయ అర్ధసెంచరీతో నిలవగా, కరణ్‌ షిండే (41 బ్యాటింగ్‌) అండగా ఉన్నాడు.
షమికి 4 వికెట్లు
ఇండోర్‌: పేసర్‌ మహ్మద్‌ షమి (4/54) అదరగొట్టాడు. దీంతో బెంగాల్‌తో రంజీలో రెండో రోజు గురువారం మధ్యప్రదేశ్‌ తొలి ఇన్నింగ్స్‌లో 167 పరుగులకే కుప్పకూలింది. 61 పరుగుల స్వల్ప ఆధిక్యంతో రెండో ఇన్నింగ్స్‌ మొదలెట్టిన బెంగాల్‌ 170/5 స్కోరుతో నిలిచింది. బెంగాల్‌ తొలి ఇన్నింగ్స్‌లో 228 రన్స్‌ చేసింది.
