మళ్లీ టాప్‌లోకి జైపూర్‌
ABN , Publish Date - Feb 08 , 2024 | 06:09 AM
ప్రొ కబడ్డీ లీగ్‌ (పీకేఎల్‌)లో ఆతిథ్య దబాంగ్‌ ఢిల్లీపై విజయంతో జైపూర్‌ పింక్‌ పాంథర్స్‌ జట్టు తిరిగి పాయింట్ల పట్టికలో అగ్రస్థానానికి చేరుకుంది...
న్యూఢిల్లీ: ప్రొ కబడ్డీ లీగ్‌ (పీకేఎల్‌)లో ఆతిథ్య దబాంగ్‌ ఢిల్లీపై విజయంతో జైపూర్‌ పింక్‌ పాంథర్స్‌ జట్టు తిరిగి పాయింట్ల పట్టికలో అగ్రస్థానానికి చేరుకుంది. ఈ ఇరు జట్ల మధ్య బుధవారం జరిగిన మ్యాచ్‌లో జైపూర్‌ 27-22తో ఢిల్లీపై నెగ్గింది. ఈ సీజన్‌ స్టార్‌ రైడర్‌ అర్జున్‌ దేశ్‌వాల్‌ మరోసారి 10 పాయింట్లు సాధించి జైపూర్‌ గెలుపులో కీలకపాత్ర పోషించాడు. ఢిల్లీ తురుపుముక్క అషు మాలిక్‌ 9 పాయింట్లతో సత్తా చాటినా ఫలితం లేకపోయింది. మరో మ్యాచ్‌లో పుణెరి పల్టన్‌ 40-31తో బెంగళూరు బుల్స్‌పై విజయం సాధించింది.
