శ్రీనివాస్‌ ‘ట్రిపుల్‌’

క్యారమ్స్‌ ప్రపంచ కప్‌

హైదరాబాద్‌: తెలుగు ఆటగాడు కె. శ్రీనివాస్‌ క్యారమ్స్‌ ప్రపంచక్‌పలో అదరగొట్టాడు. అమెరికాలోని కాలిఫోర్నియాలో జరిగిన ఈ మెగా ఈవెంట్‌లో హైదరాబాద్‌కు చెందిన శ్రీనివాస్‌ ఏకంగా మూడు విభాగాల్లో విజేతగా నిలిచి ‘ట్రిపుల్‌’ ఘనతను అందుకున్నాడు. ఆదివారం ముగిసిన ఈ టోర్నీలో శ్రీనివాస్‌ సింగిల్స్‌ ఫైనల్లో భారత్‌కే చెందిన హకీమ్‌ను ఓడించి చాంపియన్‌గా అవతరించాడు. అంతేకాదు.. పురుషుల డబుల్స్‌తో పాటు టీమ్‌ చాంపియన్‌షిప్‌ టైటిళ్లు కూడా శ్రీనివాస్‌ కైవసం చేసుకున్నాడు. ఇలా, ఈ మెగా టోర్నీలో ఒకేసారి ట్రిపుల్‌ సాధించిన భారత క్యారమ్స్‌ ఆటగాడిగా శ్రీనివాస్‌ రికార్డు సృష్టించాడు. మరో తెలుగు క్రీడాకారుడు ఆదిత్య స్విస్‌ లీగ్‌లో సింగిల్స్‌ కాంస్యం, డబుల్స్‌లో రజతం, టీమ్‌ చాంపియన్‌షి్‌పలో స్వర్ణంతో మూడు పతకాలు కొల్లగొట్టాడు.