‘సాయ్‌’ కేంద్రంలో క్రీడామంత్రి
ABN , Publish Date - Sep 21 , 2024 | 03:57 AM
కేంద్ర క్రీడా మంత్రి మన్సుఖ్‌ మాండవ్య శుక్రవారం హైదరాబాద్‌ గచ్చిబౌలి శాట్‌ క్రీడా సముదాయంలోని ‘సాయ్‌’ శిక్షణ కేంద్రాన్ని సందర్శించారు.
హైదరాబాద్‌ (ఆంధ్రజ్యోతి క్రీడాప్రతినిధి): కేంద్ర క్రీడా మంత్రి మన్సుఖ్‌ మాండవ్య శుక్రవారం హైదరాబాద్‌ గచ్చిబౌలి శాట్‌ క్రీడా సముదాయంలోని ‘సాయ్‌’ శిక్షణ కేంద్రాన్ని సందర్శించారు. అక్కడ కొద్దిసేపు పీవీ సింధుతో బ్యాడ్మింటన్‌ ఆడిన మాండవ్య ఆ తర్వాత పారాలింపిక్స్‌లో పతకం నెగ్గిన అథ్లెట్‌ జి.దీప్తిని సన్మానించారు. అనంతరం గోపీచంద్‌ అకాడమీకి వెళ్లిన మాండవ్య షట్లర్లు కశ్యప్‌, కిడాంబి శ్రీకాంత్‌, సాత్విక్‌ సాయిరాజ్‌, చిరాగ్‌ షెట్టితో ముచ్చటించారు. ఈ సందర్భంగా స్టార్‌ షట్లర్లందరూ సంతకాలు చేసిన టీషర్ట్‌ను మంత్రికి వారు బహూకరించారు.
