Virat Kohli: న్యూజిలాండ్‌తో మూడో టెస్ట్.. మైదానంలో విరాట్ కోహ్లీ డ్యాన్స్.. వీడియో వైరల్..
ABN , Publish Date - Nov 01 , 2024 | 04:52 PM
కోహ్లీ ఫీల్డింగ్ చేస్తున్నప్పుడు ఎంతో ఉత్సాహంగా కనబడతాడు. మైదానంలో పరిస్థితులను బట్టి డ్యాన్స్ కూడా చేస్తుంటాడు. ప్రస్తుతం ముంబైలో టీమిండియా, న్యూజిలాండ్ మధ్య మూడో టెస్ట్ మ్యాచ్ జరుగుతోంది. ఈ మ్యాచ్‌లో కోహ్లీ తనదైన శైలిలో ప్రేక్షకులను ఉర్రూతలూగించాడు.
విరాట్ కోహ్లీ (Virat Kohli) అంటేనే ఎనర్జీ. బ్యాటింగ్ చేస్తున్నప్పుడు ఎంత ఏకాగ్రతతో ఉంటాడో, ఫీల్డింగ్ సమయంలో అంత ఎనర్జిటిక్‌గా ఉంటాడు. కోహ్లీ ఫీల్డింగ్ చేస్తున్నప్పుడు ఎంతో ఉత్సాహంగా కనబడతాడు. మైదానంలో పరిస్థితులను బట్టి డ్యాన్స్ కూడా చేస్తుంటాడు. ప్రస్తుతం ముంబైలో టీమిండియా, న్యూజిలాండ్ మధ్య మూడో టెస్ట్ మ్యాచ్ జరుగుతోంది (Ind vs NZ Test series). ఈ మ్యాచ్‌లో కోహ్లీ తనదైన శైలిలో ప్రేక్షకులను ఉర్రూతలూగించాడు (Virat Kohli Dance). ఆ వీడియో సోషల్ మీడియాలో వైరల్‌గా మారింది (Viral Video).
న్యూజిలాండ్ బ్యాటింగ్ చేస్తున్న సమయంలో కోహ్లీ స్లిప్స్‌లో ఫీల్డింగ్ చేస్తున్నాడు. ఆ సమయంలో గ్యాలరీలోని అభిమానులు బాలీవుడ్ ఫేమస్ సాంగ్ ``మై నేమ్ ఈజ్ లఖాన్`` (My Name Is Lakhan) పాటను పాడడం మొదలుపెట్టారు. అభిమానుల పాటతో స్టేడియం మార్మోగడంతో కోహ్లీ ఆ పాటకు అనుగుణంగా ఐకానిక్ స్టెప్ వేశాడు. దీంతో అభిమానులు చప్పట్లో అభినందించారు. మరో వీడియోలో కోహ్లీ.. అభిమానుల వైపు తిరిగి దండం పెడుతూ తనను వదిలేయమని వేడుకున్నాడు. ఈ రెండు వీడియోలు సోషల్ మీడియాలో వైరల్‌గా మారాయి.
తొలి రెండు టెస్ట్‌ల్లో ఓటమి చవిచూసిన టీమిండియా ముంబై వేదికగా జరుగుతున్న మూడో టెస్ట్‌లో సత్తా చాటుతోంది. మొదట బ్యాటింగ్‌కు దిగిన న్యూజిలాండ్‌ను టీమిండియా బౌలర్లు కట్టడి చేశారు. తొలి ఇన్నింగ్స్‌లో కివీస్ జట్టు 235 పరుగులకే ఆలౌటైంది. జడేజా ఐదు వికెట్లు పడగొట్టగా.. మరో స్పిన్నర్ వాషింగ్టన్ సుందర్ 4 వికెట్లు తీశాడు. ఆకాశ్ దీప్ ఒక వికెట్ దక్కించుకున్నాడు.
మరిన్ని క్రీడా వార్తలు కోసం క్లిక్ చేయండి..
