ముగిసిన ఉద్యోగ నైపుణ్య శిక్షణ
ABN , Publish Date - Mar 23 , 2024 | 11:13 PM
తెలంగాణ స్కిల్స్‌ అండ్‌ నాలెడ్జ్‌ సెంటర్‌, డిపార్ట్‌మెంట్‌ ఆఫ్‌ కామర్స్‌ సంయుక్త ఆధ్వర్యంలో జడ్చర్ల ప్రభుత్వ డిగ్రీ కళాశాలలో నిర్వహిస్తున్న ఉద్యోగ నైపుణ్య శిక్షణ శిబిరం శనివారంతో ముగిసింది.
జడ్చర్ల, మార్చి 23 : తెలంగాణ స్కిల్స్‌ అండ్‌ నాలెడ్జ్‌ సెంటర్‌, డిపార్ట్‌మెంట్‌ ఆఫ్‌ కామర్స్‌ సంయుక్త ఆధ్వర్యంలో జడ్చర్ల ప్రభుత్వ డిగ్రీ కళాశాలలో నిర్వహిస్తున్న ఉద్యోగ నైపుణ్య శిక్షణ శిబిరం శనివారంతో ముగిసింది. ఈ శిక్షణ శిబిరంలో ఇంటర్వ్యూ, అభివ్యక్తి నైపుణ్యాలు, భావోద్రేకం నియంత్రణ, టీం నిర్వహణ తదితర అంశాలను శిక్షకుడు శ్రీహరి వివరించారు. ఇంటర్వ్యూ స్కిల్స్‌ తెలుసుకోవడంతో ఉద్యోగం సంపాదించే అంశంలో ఎంతో దోహదపడు తుందని కళాశాల ప్రిన్సిపాల్‌ అప్పియాచిన్నమ్మ తెలిపారు. ఈ కార్యక్రమంలో టీఎస్‌కేసీ కోఆర్డినేటర్‌ డాక్టర్‌ రమాదేవి, కామర్స్‌ డిపార్ట్‌మెంట్‌ హెచ్‌ఓడీ డాక్టర్‌ మంజుల, మార్గదర్శకులు ప్రతాప్‌, అధ్యాపకులు, విద్యార్థులు పాల్గొన్నారు.
