కుక్కల దాడిలో గాయపడ్డ జింక

చింతపల్లి, జనవరి 12 : జనావాసాల మధ్యకు వచ్చిన జింక కుక్కలదాడిలో స్వల్పంగా గాయపడింది. ఈ సంఘటన నల్లగొండ జిల్లా చింతపల్లి మండలంలో శుక్రవారం జరిగింది. మర్రిగూడ అటవీ ప్రాంతం నుంచి జింక చింతపల్లి మండలం కుర్మేడు స్టేజీ సమీపంలో జనవాసంలోకి వచ్చింది. జింకను గమనించిన కుక్కలు వేటాడుతుండగా ఎక్స్‌రోడ్డుపై ఉన్న ఫంక్షనహాల్‌ గోడకు తాకి కిందపడింది. జింక వద్దకు వచ్చిన కుక్కలు దానిని గాయపరుస్తుండడంతో స్థానికులు కుక్కలను తరిమేశారు. వెంటనే స్థానికులు సమాచారం మేరకు ఎస్‌హెచవో వెంకటకృష్ణ సిబ్బంది సంఘటనా స్థలానికి చేరుకుని జింకను వాహనంలో పోలీ్‌సస్టేషనకు తరలించారు. అనంతరం అటవీశాఖ బీట్‌ ఆఫీసర్‌ ఉదయ్‌కుమార్‌కు అప్పగించారు. మెరుగైన వైద్యం కోసం జింకను జిల్లా కేంద్రంలోని పశువైద్యశాలకు తరలించారు. చికిత్స అనంతరం అటవీ ప్రాంతంలో వదిలేస్తామని ఫారెస్ట్‌ బీట్‌ అధికారి ఉదయ్‌కుమార్‌ తెలిపారు.