Errabelli Dayakar Rao: రేవంత్‌.. నీవో గంజాయి మొక్కవి
ABN , Publish Date - Nov 21 , 2024 | 04:41 AM
‘‘తెలంగాణలో నీవో గంజాయి మొక్కవు.. నీ పార్టీ వాళ్లే నిన్ను పీకి పారేస్తారు. నీ పార్టీలో వారే నిన్ను లెక్కచేయడం లేదు. 30 సార్లు ఢిల్లీకి వెళ్లినవ్‌.
నీ పార్టీ వాళ్లే నిన్ను పీకి పారేస్తారు: ఎర్రబెల్లి
వరంగల్‌, నవంబరు 20 (ఆంధ్రజ్యోతి ప్రతినిధి): ‘‘తెలంగాణలో నీవో గంజాయి మొక్కవు.. నీ పార్టీ వాళ్లే నిన్ను పీకి పారేస్తారు. నీ పార్టీలో వారే నిన్ను లెక్కచేయడం లేదు. 30 సార్లు ఢిల్లీకి వెళ్లినవ్‌. రాహుల్‌గాంధీ, సోనియాగాంధీలే నీకు అపాయింట్‌మెంట్‌ ఇవ్వడం లేదు. అలాంటి నువ్వు కేసీఆర్‌ను మళ్లీ మొలకెత్తనివ్వనంటావా?.. సరే చూద్దాం’’ అంటూ బీఆర్‌ఎస్‌ సీనియర్‌ నేత, మాజీ మంత్రి ఎర్రబెల్లి దయాకర్‌రావు సీఎం రేవంత్‌రెడ్డిపై ధ్వజమెత్తారు. హనుమకొండలో ఆయన మాట్లాడారు. వరంగల్‌ సభలో రేవంత్‌రెడ్డి తన స్థాయిని మరిచి కేసీఆర్‌పై అనుచిత వాఖ్యలు చేశారని మండిపడ్డారు. మంత్రులు, ఎమ్మెల్యేలే ఆయన మాట వినడం లేదన్నారు. ఏడాదికాలంగా మంత్రివర్గ విస్తరణ కూడా చేయలేని అసమర్థుడు రేవంత్‌ అని విమర్శించారు. కేసీఆర్‌ నాలుగు కోట్ల తెలంగాణ ప్రజల గుండెల్లో ఉన్నారని, ఆయన్ను ప్రజల నుంచి దూరం చేయడం వంద మంది రేవంత్‌రెడ్డిలు వచ్చినా సాధ్యం కాదని ఆయన అన్నారు.
