అతి చిన్నసైజులో రాములోరి పాదుకల తయారీ

నార్కట్‌పల్లి, జనవరి 20: నల్లగొండ జిల్లా నార్కట్‌పల్లికి చెందిన స్వర్ణకారుడు చొల్లేటి శ్రీనివాసచారి అతిచిన్న రాములోరి పాదుకలను తయారు చేశారు. అయోధ్యలో చరిత్రలో నిలిచిపోయేలా ఈ నెల 22న జరిగే బాలరాముడి విగ్రహా ప్రాణప్రతిష్ఠ, రామ మందిర ప్రారంభోత్సవ పుణ్యకార్యాన్ని పురస్కరించుకుని తయారు చేసినట్లు తెలిపారు. రెండు పాదుకలను కేవలం 0.130 మిల్లీ గ్రాముల బంగారాన్ని వినియోగించి 8 మిల్లీమీటర్‌ సైజు పొడవు, 4మిల్లీమీటరు సైజు వెడల్పుతో తయారు చేసినట్లు తెలిపారు. వీటిని తయారు చేయడానికి కేవలం గంట మాత్రమే సమయం పట్టిందని తెలిపాడు. కాగా గతంలో కూడా బతుకమ్మ, రాకెట్‌ నమూనా, జాతీయ పతాకం, శివలింగం, భారతదేశ పటం వంటి వాటిని అతి చిన్నసైజు పరిమాణంలో తయారు చేసి పలువురి మన్ననలు పొందాడు.