జాతీయ స్థాయిలో గుర్తింపు తీసుకురావాలి
ABN , Publish Date - Apr 01 , 2024 | 12:18 AM
క్రీడాకారులు జిల్లాకు జాతీయ స్థాయిలో గుర్తింపు తీసుకురావాలని తెలంగాణ పర్యాటక అభివృద్ధి సంస్థ చైర్మన్‌, టీపీసీసీ రాష్ట్ర ప్రధాన కార్యదర్శి పటేల్‌ రమే్‌షరెడ్డి అన్నారు.
తెలంగాణ పర్యాటక అభివృద్ధి సంస్థ చైర్మన్‌ పటేల్‌ రమే్‌షరెడ్డి
సూర్యాపేటటౌన్‌, మార్చి 31: క్రీడాకారులు జిల్లాకు జాతీయ స్థాయిలో గుర్తింపు తీసుకురావాలని తెలంగాణ పర్యాటక అభివృద్ధి సంస్థ చైర్మన్‌, టీపీసీసీ రాష్ట్ర ప్రధాన కార్యదర్శి పటేల్‌ రమే్‌షరెడ్డి అన్నారు. జిల్లాకేంద్రంలోని ప్రభుత్వ జూనియర్‌ కళాశాల మైదానంలో సూర్యాపేట బాస్కెట్‌బాల్‌ క్లబ్‌ ఆధ్వర్యంలో ఏర్పాటు చేసిన ఉమ్మడి నల్లగొండ స్థాయి బాస్కెట్‌బాల్‌ పోటీలను ఆదివా రం ప్రారంభించారు. ఈ సందర్భంగా ఆయన మాట్లాడుతూ క్రీడలతో మానసిక, శారీరక దృడత్వం పెరుగుతుందన్నారు. సూర్యాపేట జిల్లాకేంద్రంలో త్వరలో రాష్ట్రస్థాయి బాస్కెట్‌బాల్‌ పోటీలు నిర్వహించేందుకు కృషి చేస్తానని తెలిపారు. అమెరికా వంటి అభివృద్ధి చెందుతున్న దేశాల్లో బాస్కెట్‌బాల్‌ క్రీడకు అదరణ ఉందని, దేశంలో సైతం అదిశగా యువత ఆసక్తి పెంచుకోవాలన్నారు. విద్యార్థులు చదువులతో పాటు క్రీడలపై ఆసక్తి పెంచుకోవాలన్నారు. ఈ కార్యక్రమంలో సూర్యాపేట బాస్కెట్‌బాల్‌ క్లబ్‌ కార్యదర్శి ఫరూఖ్‌, నాయకులు గట్టు శ్రీనివాస్‌, కౌన్సిలర్లు వెలుగు వెంకన్న, షఫిఉల్లా, రమేష్‌, మంత్రి శ్రీను తదితరులు పాల్గొన్నారు.
