బైక్‌ను ఢీకొన్న లారీ.. వ్యక్తి మృతి
ABN , Publish Date - Nov 24 , 2024 | 12:23 AM
లారీ ఢీకొనడంతో బైక్‌పై వెళ్తున్న వ్యక్తి మృతిచెందాడు. ఈ ఘటన ఘట్‌కేసర్‌ పోలీ్‌సస్టేషన్‌ పరిధిలో శనివారం ఉదయం చోటుచేసుకుంది.
ఘట్‌కేసర్‌ రూరల్‌, నవంబరు 23(ఆంధ్రజ్యోతి): లారీ ఢీకొనడంతో బైక్‌పై వెళ్తున్న వ్యక్తి మృతిచెందాడు. ఈ ఘటన ఘట్‌కేసర్‌ పోలీ్‌సస్టేషన్‌ పరిధిలో శనివారం ఉదయం చోటుచేసుకుంది. ఘట్‌కేసర్‌ పోలీసులు తెలిపిన వివరాలిలా ఉన్నాయి. పటాన్‌చెరువు, బండ్లగూడ, బాలాజీనగర్‌కు చెందిన మన్నె లక్ష్మయ్య(55) భార్య మన్నె నాగజ్యోతితో కలిసి బైక్‌పై యాదగిరిగుట్టకు బయల్దేరారు. శనివారం ఉదయం బైక్‌ యంనంపేట్‌ చౌరస్తా వద్దకు రాగానే లారీ ఢీకొంది. ఈ ప్రమాదంలో లక్ష్మయ్య తలకు తీవ్రగాయమై అక్కడికక్కడే మృతిచెందాడు. భార్య నాగజ్యోతికి తలతో పాటు ఇతర శరీరభాగాలకు గాయాలు కాగా ఆమెను చికిత్స నిమిత్తం ఆస్పత్రికి తరలించారు. మృతుడి కుటుంబసభ్యుల ఫిర్యాదు మేరకు ప్రమాదానికి కారణమైన నల్లగొండ జిల్లా సంస్థనారాయణపూర్‌ మండలం, గట్టుప్పల్‌కు చెందిన లారీడ్రైవర్‌ శివశేఖర్‌పై కేసు నమోదు చేసుకెఒని దర్యాప్తు చేస్తున్నట్లు పోలీసులు తెలిపారు.
