రోడ్డు ప్రమాదంలో వ్యక్తి మృతి
ABN , Publish Date - Dec 21 , 2024 | 11:58 PM
అతివేగంతో బైక్‌పై నుంచి కిందపడి ప్రమాదంలో ఒకరు మృతిచెందగా మరొకరికి గాయాలయ్యాయి.
మూడుచింతలపల్లి, డిసెంబరు 21(ఆంధ్రజ్యోతి): అతివేగంతో బైక్‌పై నుంచి కిందపడి ప్రమాదంలో ఒకరు మృతిచెందగా మరొకరికి గాయాలయ్యాయి. కుటుంబ సభ్యులు, స్థానికులు తెలిపిన వివరాలిలా ఉన్నాయి. కర్కపట్లకు చెందిన శీలం దుర్గప్రసాద్‌(27), తన స్నేహితుడు నాగవంశీలు పనినిమిత్తం శనివారం బైక్‌పై వెళ్లి తిరిగి సాయంత్రం ఇంటికి వస్తున్నారు. ఈ క్రమంలో కర్కపట్ల-అలియాబాద్‌ మార్గమధ్యలో హెచ్‌బీఎల్‌ బస్టాప్‌ సమీపంలో బైక్‌ ఒక్కసారిగా అదుపుతప్పి పల్టీలు కొట్టింది. ఈ ప్రమాదంలో దుర్గప్రసాద్‌ తలకు బలమైన గాయం కావడంతో అక్కడికక్కడే దుర్మరణం చెందాడు. అతడి స్నేహితుడు నాగవంశీకి తీవ్రగాయ్యాలయ్యాయి. దుర్గాప్రసాద్‌ మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు. ఈ మేరకు కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు.
కారు-బొలెరో ఢీకొని ఇద్దరికి గాయాలు
పరిగి: కారు, బొలెరో వాహనాలు ఢీకొన్న ప్రమాదంలో ఇద్దరికి గాయాలయ్యాయి. ఈ ఘటన మండలంలోని చింతలచెరువు వద్ద జరిగింది. హైదరాబాద్‌ నుంచి కొడంగల్‌ వైపు వెళ్తున్న కారు, బొంరా్‌సపేట్‌ నుంచి పరిగికి వస్తున్న బొలెరో వాహనం పరిగి మండలం చింతలచెరువు వద్ద ఢీకొన్నాయి. అయితే బొలెరో వాహనంలో ఇద్దరికి స్వల్పగాయాలయ్యాయి. వాహనాలు దెబ్బతిన్నాయి.
