వ్యవసాయ పనిముట్ల అపహరణకు యత్నం

ఇద్దరు నిందితులను పోలీసులకు పట్టించిన రైతులు

చేవెళ్ల, నవంబరు 19(ఆంధ్రజ్యోతి): పంట పొలాల వద్ద వ్యవసాయ పనిముట్లను దొంగిలించిన ఇద్దరు వ్యక్తులను రైతులు పట్టుకొని పోలీ్‌సలకు అప్పగించిన ఘటన చేవెళ్ల పోలీస్‌ స్టేషన్‌ పరిధిలోని పామెన గ్రామంలో మంగళవారం చోటుచేసుకుంది. గ్రామస్తులు కథనం మేరకు.. పామెనలో కొంతకాలంగా గుర్తుతెలియని వ్యక్తులు పంటపొలాల వద్ద వ్యవసాయ పనిముట్లతో పాటు స్టార్టర్లు, విద్యుత్‌ వైర్లు ఎత్తుకెళ్తున్నారు. మంగళవారం మధ్యాహ్నం ఇద్దరు వ్యక్తులు పంటపొలాల వెంట తిరుగుతూ వ్యవసాయ పనిముట్లు తీసుకెళ్తుండగా రైతులు గమనించి పట్టుకుని పోలీ్‌సలకు సమాచారం అందించారు. వారు సంఘటనా స్థలానికి చేరుకొని పనిముట్లను స్వాధీనం చేసుకున్నారు. రైతుల ఫిర్యాదుతో కేసు నమోదు చేసుకొని ఇద్దరిని అదుపులోకి తీసుకున్నారు.