ముగిసిన గ్రూప్‌- 3 పరీక్షలు

రంగారెడ్డి అర్బన్‌/ ఇబ్రహీంపట్నం/ మొయినాబాద్‌ రూరల్‌, నవంబరు 18 (ఆంధ్రజ్యోతి) : రాష్ట్ర పబ్లిక్‌ సర్వీస్‌ కమిషన్‌ ద్వారా నిర్వహించిన గ్రూప్‌-3 పరీక్షలు ప్రశాంతంగా ముగిశాయి. మొత్తం 3 పేపర్లకు ఈ పరీక్షలు జరిగాయి. ఆదివారం రెండు పేపర్లకు పరీక్షలు నిర్వహించగా సోమవారం ఉదయం 10 గంటల నుంచి మధ్యాహ్నం 12.30 గంటల వరకు పేపర్‌ 3 పరీక్ష నిర్వహించారు. ఇబ్రహీంపట్నం, మొయినాబాద్‌, అబ్దుల్లాపూర్‌మెట్‌, సరూర్‌నగర్‌ ప్రాంతాల్లో 58 పరీక్ష కేంద్రాలు ఏర్పాటు చేశారు. 34,526 మంది అభ్యర్థులు పరీక్షకు హాజరు కావాల్సి ఉండగా 16,654 మంది హాజరయ్యారు. 17,872 మంది గైర్హాజరయ్యారు. ఇబ్రహీంపట్నం పరిధిలో 13,388 మంది అభ్యర్థులకు గాను 6,737 మంది హాజరయ్యారు. మొయినాబాద్‌ మండలంలో 6,726 మంది అభ్యర్థులకు గాను 1,733 మంది హాజరయ్యారు. అలాగే అబ్దుల్లాపూర్‌మెట్‌ పరిధిలో 8,580 మంది అభ్యర్థులకు 4,809 మంది హాజరు కాగా... సరూర్‌నగర్‌ పరిధిలో 5,832 మంది అభ్యర్థులకు గాను 3,375 మంది అభ్యర్థులు హాజరయ్యారు.