కొర్రతండాలో కిరాణషాపు దగ్ధం
ABN , Publish Date - Nov 13 , 2024 | 12:14 AM
మండలంలోని కొర్రతండాలో ఓ కిరాణషాపు షార్ట్‌సర్క్యూట్‌తో దగ్ధమైంది. మంగళవారం ఉదయం కొర్ర సేవ్యా తన షాపులో వస్తువులను విక్రయించి మధ్యాహ్నం వ్యవసాయ పొలానికి వెళ్లాడు.
మాడ్గుల, నవంబరు 12(ఆంధ్రజ్యోతి): మండలంలోని కొర్రతండాలో ఓ కిరాణషాపు షార్ట్‌సర్క్యూట్‌తో దగ్ధమైంది. మంగళవారం ఉదయం కొర్ర సేవ్యా తన షాపులో వస్తువులను విక్రయించి మధ్యాహ్నం వ్యవసాయ పొలానికి వెళ్లాడు. సాయంత్రం షాపులో షార్ట్‌సర్క్యూట్‌ కారణంగా ఒక్కసారిగా మంటలు చెలరేగాయి. ఫర్నిచర్‌, ఫ్రిడ్జ్‌, ఇతర సామగ్రి కాలి బూడిదైనట్లు బాధితుడు తెలిపాడు. దాదాపు రూ.లక్షా 50వేల నష్టం వాటిల్లినట్లు సేవ్యా తెలిపాడు. కాగా, ప్రభుత్వం బాధితుడిని ఆర్థికంగా ఆదుకోవాలని మండల గిరిజన నాయకుడు కొర్ర బాల్‌నాయక్‌ కోరారు.
