రోడ్డు ప్రమాదంలో హెచ్‌ఎంకు తీవ్ర గాయాలు
ABN , Publish Date - Nov 19 , 2024 | 11:58 PM
రోడ్డు ప్రమాదంలో ప్రభుత్వ పాఠశాల ప్రధానోపాధ్యాయుడు తీవ్ర గాయాలపాలయ్యాడు.
తాండూరు రూరల్‌, నవంబరు 19 (ఆంధ్రజ్యోతి): రోడ్డు ప్రమాదంలో ప్రభుత్వ పాఠశాల ప్రధానోపాధ్యాయుడు తీవ్ర గాయాలపాలయ్యాడు. ఈ ఘటన మండలంలోని గౌతాపూర్‌ సమీపంలో చోటు చేసుకుంది. వివరాల్లోకి వెళ్తే.. పట్టణంలోని ఇందిరానగర్‌కు చెందిన రమేష్‌ జాదవ్‌ మిట్టబాస్పల్లి ప్రభుత్వ పాఠశాలలో హెచ్‌ఎంగా పనిచేస్తున్నాడు. సమగ్ర కుటుంబసర్వేకు సంబంధించి ఆయనకు సూపర్‌వైజర్‌ బాఽధ్యతలు నిర్వహిస్తున్నారు. ఈ క్రమంలో మంగళవారం పాఠశాల నుంచి బైక్‌పై తాండూరు వస్తుండగా గౌతాపూర్‌ సమీపంలోని రిలయన్స్‌ పెట్రోల్‌ బంక్‌ వద్దకు రాగానే ఎదురుగా వస్తున్న ఆటో రమేష్‌ జాదవ్‌ బైకును ఢీ కొట్టింది. దీంతో అతడి తలకు, చెవులకు తీవ్రగాయాలయ్యాయి. కుటుంబసభ్యులు తాండూరులోని ప్రభుత్వ జిల్లా ఆసుపత్రిలో ప్రథమచికిత్స నిర్వహించి హైదరాబాద్‌లోని నిమ్స్‌ ఆస్పత్రికి తరలించారు. ఈ ఘటనపై కేసు నమోదు చేసినట్లు ఎస్‌ఐ విఠల్‌రెడ్డి తెలిపారు.
