శివాలయాల్లో కార్తీక శోభ

బషీరాబాద్‌, నవంబరు 18 (ఆంధ్రజ్యోతి): కార్తీక మాసోత్సవాన్ని పురస్కరించుకొని సోమవారం మండలంలోని నవాంద్గీ సంగమేశ్వరాలయంలో 1001 దీపోత్సవాన్ని ఆలయ ప్రాంగణంలో ఘనంగా నిర్వహించారు. ఈ కార్యక్రమాన్ని పూజారి మహంతయ్య నేతృత్వంలో మహిళలు కార్తీక దీపాలు వెలిగించి భక్తిని చాటుకున్నారు. ఈ కార్యక్రమంలో మాధవరెడ్డి, వీరన్న, రవీందర్‌రెడ్డి పాల్గొన్నారు.

ఘట్‌కేసర్‌ రూరల్‌: మండలంలోని శివాలయాలు భక్తులతో కిటకిటలాడాయి. అవుషాపూర్‌, అంకుశాపూర్‌, ఎదులాబాద్‌, కొర్రెముల, ప్రతా్‌పసింగారం తదితర గ్రామాల్లోని శివాలయాల్లో ప్రత్యేకపూజలు నిర్వహించారు. శివలింగానికి ప్రత్యేక పూజలు నిర్వహించి బిల్వపత్రాలతో అభిషేకాలు నిర్వహించారు. మహిళలు, చిన్నారులు ఉపవాస దీక్షలు చేపట్టి సాయంత్రం దీక్షలు విరమించారు. మధ్యాహ్నం అన్నదానం చేశారు. ఈ కార్యక్రమంలో అమర్‌, నవీన్‌, నర్సింహా, పెంటాజీ, ఆలయ పూజారి కుమార్‌శర్మ పాల్గొన్నారు.