భూ తగాదాలతో మామిడి తోట ధ్వంసం
ABN , Publish Date - Sep 22 , 2024 | 12:12 AM
భూ తగాదాలతో మామిడి తోటను ధ్వంసం చేసిన ఘటన మండలంలో జరిగింది. ఏర్పుమళ్ల పంచాయతీ పరిధి కాకర్లగండి తండాలో మూడవత్‌ లక్ష్మీబాయి భర్త మాణిక్యం, అదే తండాకు చెందిన కర్రె బాల్యనాయక్‌ మధ్య భూతగాదాలున్నాయి.
బొంరా్‌సపేట్‌, సెప్టెంబరు21: భూ తగాదాలతో మామిడి తోటను ధ్వంసం చేసిన ఘటన మండలంలో జరిగింది. ఏర్పుమళ్ల పంచాయతీ పరిధి కాకర్లగండి తండాలో మూడవత్‌ లక్ష్మీబాయి భర్త మాణిక్యం, అదే తండాకు చెందిన కర్రె బాల్యనాయక్‌ మధ్య భూతగాదాలున్నాయి. సర్వే నం 406, 407లలో తగాదా ఉంది. ఐదారేళ్లుగా జరుగుతున్న గొడవల్లో బాల్యనాయక్‌ ఎక్స్‌కవేటర్‌తో మామిడి చెట్లను ధ్వంసం చేసి పోలీసులకు సమాచారం ఇ చ్చాడు. ఎస్సై అబ్దుల్‌ రవూఫ్‌ చేరుకొని విచారణ చేస్తామని తెలిపారు.
