అనంత పద్మనాభస్వామి సేవలో ఎంపీ
ABN , Publish Date - Nov 20 , 2024 | 12:05 AM
కార్తీక మాస పెద్ద జాతర ఉత్సవాల్లో భాగంగా అనంతగిరి శ్రీ అనంతపద్మనాభ స్వామిని చేవెళ్ల ఎంపీ కొండా విశ్వేశ్వర్‌రెడ్డి దర్శించుకున్నారు.
వికారాబాద్‌, నవంబరు 19 (ఆంధ్రజ్యోతి): కార్తీక మాస పెద్ద జాతర ఉత్సవాల్లో భాగంగా అనంతగిరి శ్రీ అనంతపద్మనాభ స్వామిని చేవెళ్ల ఎంపీ కొండా విశ్వేశ్వర్‌రెడ్డి దర్శించుకున్నారు. మంగళవారం సాయంత్రం బీజేపీ నాయకులతో స్వామి వారిని దర్శించుకోగా ఎంపీకి ఆలయ అర్చకులు ఘనంగా స్వాగతం పలికి ప్రత్యేక పూజలు చేయించారు. ఈ సందర్భంగా ఎంపీని ఆలయ అర్చకులు శాలువాలతో సత్కరించి జ్ఞాపికను అందజేశారు. ఎంపీ వెంట బీజేపీ జిల్లా అధ్యక్షుడు మాదవరెడ్డి, నియోజకవర్గ కోఆర్డినేటర్‌ వడ్లనందు, డాక్టర్‌ రాజశేఖర్‌, శ్రీకాంత్‌రెడ్డి, శరణరెడ్డి తదితరులు పాల్గొన్నారు.
