కత్తితో దాడి చేసిన యువకునికి రిమాండ్‌
ABN , Publish Date - Nov 24 , 2024 | 12:23 AM
మద్యం మత్తులో ఓ యువకుడిపై కత్తితో దాడిచేసిన యువకుడిని రిమాండ్‌ తరలించినట్లు సీఐ సత్యనారాయణ తెలిపారు.
మేడ్చల్‌ టౌన్‌, నవంబరు 23 (ఆంధ్రజ్యోతి): మద్యం మత్తులో ఓ యువకుడిపై కత్తితో దాడిచేసిన యువకుడిని రిమాండ్‌ తరలించినట్లు సీఐ సత్యనారాయణ తెలిపారు. మునీరాబాద్‌లో యూపీకి చెందిన పాన్‌షా్‌ప నిర్వాహకుడు ఓంకార్‌ పని ముగించుకుని శుక్రవారం రాత్రి ఇంటికి వెళ్తుండగా ధన్‌రాజ్‌(20) ఓంకార్‌ను అడ్డగించి స్థానికేతరుడు అంటూ దుర్భాషలాడి గొడవపడ్డాడు. ఈ క్రమంలో ఆగ్రహానికి గురైన ధన్‌రాజ్‌ ఇంటికి వెళ్లి తన వద్ద ఉన్న కత్తితో దాడి చేయడంతో విఠల్‌ తీవ్రగాయాలపాలయ్యాడు. విఠల్‌ సోదరుడు భరత్‌ ఇచ్చిన ఫిర్యాదు మేరకు ధన్‌రాజ్‌ను అరెస్టు చేసి రిమాండ్‌కు తరలించినట్లు సీఐ తెలిపారు.
