గోదాంలో చోరీ
ABN , Publish Date - Sep 21 , 2024 | 11:54 PM
షాద్‌నగర్‌ పట్టణంలోని హజీపల్లి రోడ్డు విజయ్‌ నగర్‌ కాలనీలోని ఓ గోదాంలో శుక్రవారం రాత్రి గుర్తుతెలియని దొంగలు చోరీకి పాల్పడ్డారు. ఇన్‌స్పెక్టర్‌ విజయ్‌ కుమార్‌ కథనం ప్రకారం..
రూ.లక్ష నగదు, వెండి కాయిన్స్‌ అపహరణ
షాద్‌నగర్‌ రూరల్‌, సెప్టెంబరు 21: షాద్‌నగర్‌ పట్టణంలోని హజీపల్లి రోడ్డు విజయ్‌ నగర్‌ కాలనీలోని ఓ గోదాంలో శుక్రవారం రాత్రి గుర్తుతెలియని దొంగలు చోరీకి పాల్పడ్డారు. ఇన్‌స్పెక్టర్‌ విజయ్‌ కుమార్‌ కథనం ప్రకారం.. కాలనీకి చెందిన సంతో్‌షకుమార్‌ వివిధ రకాల వస్తువులతో హోల్‌సేల్‌ వ్యాపారం చేస్తుంటాడు. కాగా, అతడి కుటుంబం ఇంటిపై అంతస్తులో నివాసముంటుండగా.. కింది అంతస్తులో గోదాం నిర్వహిస్తున్నాడు. గుర్తు తెలియని దొంగలు గ్రిల్‌ను రాడ్‌తో వెడల్పు చేసి గోదాంలోకి చొరబడ్డారు. టేబుల్‌ డ్రాయర్‌లో ఉన్న రూ.లక్ష నగదు, 22 తులాల వెండి కాయిన్స్‌ అపహరించుకుపోయారు. ఈమేరకు బాధితుడు సంతో్‌షకుమార్‌ పోలీసులకు ఫిర్యాదు చేశాడు. క్లూస్‌టీంను రప్పించి ఆధారాలు సేకరించినట్లు ఇన్‌స్పెక్టర్‌ తెలిపారు.
