హైదరాబాద్: రాష్ట్ర ప్రజలకు సీఎం రేవంత్ రెడ్డి దీపావళి శుభాకాంక్షలు తెలిపారు. "చీకట్లను ఛేదిస్తూ.. మార్పును ఆశిస్తూ.. వెలిగిన దీపం జన జీవితాల్లో సరికొత్త వెలుగులు నింపాలని ఆశిస్తూ.. ప్రజలంతా సుఖ సంతోషాలతో ఉండాలి" అని రేవంత్ ఆకాంక్షించారు.

అజ్ఞానాన్ని తొలగించే పండుగ..

ప్రజలకు బీఆర్ఎస్ అధినేత, మాజీ సీఎం కేసీఆర్ దీపావళి శుభాకాంక్షలు తెలిపారు. మనిషి తనలోని మూర్ఖత్వాన్ని, అజ్ఞానాన్ని తొలగించుకుని జ్ఞాన దీపాలను వెలిగించుకోవాలనే తాత్వికతను దీపావళి పండుగ మనకు అందిస్తుందని కేసీఆర్ తెలిపారు. దీపావళి పర్వదినానికి హిందూ సంస్కృతిలో ప్రత్యేక స్థానం ఉన్నదన్నారు. రాష్ట్ర ప్రజలందరూ సుఖశాంతులతో వర్ధిల్లాలని కేసీఆర్ ప్రార్థించారు.

కొత్త వెలుగులు నిండాలి..

బీఆర్ఎస్ ఎమ్మెల్యే, మాజీ మంత్రి హరీశ్ రావు తన అధికారిక ఎక్స్ అకౌంట్లో దీపావళి సందర్భంగా ఓ పోస్ట్ చేశారు. "రాష్ట్ర ప్రజలందరికీ దీపావళి శుభాకాంక్షలు. చీకటిని తరిమి జీవితంలో వెలుగులు నింపే పండగ దీపావళి. చీకటిపై వెలుగు, చెడుపై మంచి, అజ్ఞానం పై జ్ఞానం.. సాధించిన విజయానికి ప్రతీక దీపావళి. శ్రీమహాలక్ష్మి అమ్మవారు అనుగ్రహంతో ఈ పండుగ వేళ అందరి జీవితాల్లో కొత్త వెలుగులు నిండి, సుఖ సంతోషాలతో వర్ధిల్లాలని ఆకాంక్షిస్తున్నాను" అని తన పోస్ట్‌లో పేర్కొన్నారు.

Devotional: మెట్టినింటికి వెళ్లిన సోదరి కోసం ఓ పండుగ..