అమెరికాలో రోడ్డు ప్రమాదం

ఖమ్మం జిల్లా పెనుబల్లికి చెందిన ఇంజనీర్‌ మృతి

పెనుబల్లి, జనవరి 8: అమెరికా టెక్సా్‌సలో ఆదివారం జరిగిన రోడ్డు ప్రమాదంలో ఖమ్మం జిల్లాకి చెందిన యువ ఇంజనీర్‌ ముక్కర సాయి రాజీవ్‌రెడ్డి(32) మృతిచెందాడు. పెనుబల్లి మండలం వీఎంబంజర్‌ గ్రామానికి చెందిన కల్లూరు షుగర్‌ ఫ్యాక్టరీ సీడీసీ చైర్మన్‌ భూపాల్‌రెడ్డి కుమారుడు రాజీవ్‌. ఐదేళ్లుగా టెక్సా్‌సలో ఇంజనీర్‌గా పనిచేస్తున్నాడు. రెండేళ్ల కిందటే పెళ్లిచేసుకున్న అతను 4నెలల క్రితమే భార్యను తన వెంట టెక్సా్‌సకు తీసుకెళ్లాడు. ఆదివారం బయటకు వెళ్లిన రాజీవ్‌ డివైడర్‌ వద్ద యూటర్న్‌ తీసుకుంటుండగా కారు అదుపు తప్పి స్తంభాన్ని ఢీకొట్టింది. తీవ్రంగా గాయపడిన అతణ్ని పోలీసులు ఆసుపత్రికి తరలించగా.. చికిత్స పొందుతూ మృతి చెందాడు. రాజీవ్‌ తల్లి శివకుమారి కూడా నాలుగేళ్ల క్రితం జనవరి 1న మృతి చెందింది. భార్య, కుమారుడు జనవరి నెలలోనే మృతిచెందారని భూపాల్‌రెడ్డి కన్నీటిపర్యంతమవుతున్నారు.