Hyderabad: నటి కస్తూరి అరెస్టు..

ఇంటర్నెట్ డెస్క్: నటి కస్తూరి(Actress Kasturi)ని చెన్నై పోలీసులు (Chennai Police) అరెస్టు చేశారు. హైదరాబాద్‌లోని రాజేంద్రనగర్‌లో ఆమెను అరెస్టు చేశారు. అనంతరం చెన్నైకి తరలించారు. ఇటీవల చెన్నైలో నిర్వహించిన బ్రాహ్మణ సమాజం సమ్మేళనంలో పాల్గొన్న ఆమె తమిళనాడులో స్థిరపడ్డ తెలుగువారిపై తీవ్ర విమర్శలు చేశారు. దీంతో ఆగ్రహించిన అక్కడి తెలుగువారు ఆమెపై తీవ్రస్థాయిలో మండిపడ్డారు. తెలుగు సంఘాలు, ప్రముఖులు ఈ విషయంపై సీరియస్ అయ్యారు. చెన్నై సిటీ ఎగ్మోర్‌లోని ఓ తెలుగు సంస్థ ఫిర్యాదు మేరకు అక్కడి పోలీసులు కస్తూరిపై నాలుగు సెక్షన్ల కింద కేసులు నమోదు చేశారు. దీంతో భయపడిన కస్తూరి అజ్ఞాతంలోకి వెళ్లిపోయారు. ఆమె కోసం గాలింపు చర్యలు చేపట్టిన పోలీసులు హైదరాబాద్‌లో ఉన్నట్లు గుర్తించారు. దీంతో సైబరాబాద్ పోలీసుల సహాయంతో చెన్నై పోలీసులు కస్తూరిని అరెస్టు తీసుకున్నారు.